O‘zLiDeP ko‘magida Yangiqo‘rg‘onda 5 nafar fuqaro tadbirkorlik faoliyatini boshlaydigan bo‘ldi
04.04.2019, 16:53
O‘zLiDeP Namangan viloyat Kengashi Yangiqo‘rg‘on tumanida Prezidentimizning “Hududlarda aholini tadbirkorlikka keng jalb qilish va oilaviy tadbirkorlikni rivojlantirishga doir qo‘shimcha chora-tadbirlar to‘g‘risida”gi Qarori targ‘ibotiga bag‘ishlangan davra suhbati o‘tkazdi.
Tadbirda so‘z olgan tuman hokimligining iqtisodiyot bo‘limi yetakchi mutaxassisi Ilxomjon G‘ofurjonov mazkur qaror ijrosini ta’minlash borasida amalga oshirilayotgan ishlar haqida to‘xtalib, tumanda tadbirkorlikni rivojlantirish markazi binosi foydalanishga topshirilgani, ushbu markaz oilaviy tadbirkorligini yo‘lga qo‘yishni maqsad qilgan fuqarolarga doimo ko‘makdosh bo‘lishini ta’kidladi.
Shundan so‘ng, ishtirokchilarning fikr-mulohazalari, takliflari va muammolari tinglandi.
Masalan, yangiqo‘rg‘onlik Mahfuza Ubaydullayeva o‘z xonadonida tikuvchilikni yo‘lga qo‘yish niyatida. Shu bois, u xom-ashyo olish va mahsulotini realizatsiya qilishda maslahat va yordam zarurligini bildirdi.
Shu hududda yashovchi D.Jo‘rayeva va I.Mirzaboyevlar esa qoramolchilik bilan shug‘ullanmoqchi ekanini aytib, imtiyozli kredit olishda ko‘mak so‘rashdi. Bu masala yuzasidan partiya deputatlik guruhi a’zolari tomonidan “Agrobank” tuman filialiga so‘rov chiqariladigan bo‘ldi.
–Hududimiz joylashgan Namangan-Nanay trassasi bo‘yidagi avtobekatni “nol” qiymatda olib, zamonaviy ko‘rinishdagi bekatga aylantirdik, – deydi “Sutbuloq” mahallasida yashovchi Shamsiddin Qirg‘izboyev. –Endilikda bekat yonida oziq-ovqat mahsulotlarini sotish do‘koni qurishni rejalashtiryapmiz. Biroq qurilish ishlarini yakuniga yetkazish uchun mablag‘imiz yetmayapti. Partiyaga murojaatimizdan so‘ng muammoyimiz hal bo‘ladigan bo‘ldi.
Tadbirda bildirilgan murojaatlar yechimi yuzasidan shu kunning o‘zida mutasaddi tashkilotlar bilan zaruriy chora-tadbirlar belgilab olindi.
Yulduz YULDASHEVA,
O‘zLiDeP Namangan viloyat
Kengashi matbuot kotibi
O'xshash yangiliklar
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
Fikringizni qoldiring