“Xaramjo‘y”liklarni qanday muammolar qiynayapti?
12.04.2019, 19:37
O‘zLiDeP Qashqadaryo viloyat Kengashi Qarshi shahridagi “Xaramjo‘y” mahalla fuqarolar yig‘ini aholisi uchun sayyor qabul o‘tkazdi.
Qabulda so‘z olganlar Prezidentimiz tashabbusi bilan xalqni eshitish, aholining talab va istaklarini ro‘yobga chiqarish davlat siyosatining ustuvor yo‘nalishiga aylanganini, pirovardida aholini yillar davomida qiynab kelayotgan muammolar o‘z yechimini topayotganini alohida ta’kidlashdi.
Sayyor qabulda aholini ichimlik suvi va oqava suv bilan ta’minlash, maishiy chiqindilarni o‘z vaqtida tashib chiqish, mahalladagi transfarmatorni ta’mirlash, bolalar bog‘chasi qurish va boshqa masalalarda qilingan murojaatlar ko‘rib chiqilib, tegishli chora-tadbirlar belgilab olindi.
Jumladan, Sanjar Karimov 7 yildan buyon “Xaramjo‘y” MFYdagi “Botir Zokirov” ko‘chasi 27- uyda yashaydi. Shunga qaramay fuqaroning yashab turgan uy-joyining kadastr hujjatlari hozirga qadar Qarshi tumani kadastr bo‘limi ro‘yhatiga olinmagan.
Shu mahallada yashovchi Xamza Murodov esa mahallaga kirishdagi markaziy chorraxaga svetafor yo‘qligidan norozi.
Har ikki masala ham O‘zLiDeP deputatlik guruhi a’zolari tomonidan nazoratga olinib, joyida hal etildi.
Mahalladagi transfarmatorni qayta ta’mirlash bo‘yicha ko‘tarilgan murojaatni esa Qarshi shahar elektr energiya ta’minoti korxonasi boshlig‘i U.Rizayev o‘z zimmasiga oldi.
Sayyor qabulda hech bir murojaat e’tiborsiz qolmadi. Ortiqcha vaqt talab etadigan masalalar bo‘yicha O‘zLiDeP deputatlik guruhi a’zosi A.Sherov tomonidan tegishli tashkilotlarga so‘rov chiqarildi.
A’zam SAGDULLAYEV,
O‘zLiDeP Qashqadaryo viloyat
Kengashi bo‘lim mudiri
O'xshash yangiliklar
-
Deputat sayyor qabulida 16 nafar fuqaroning murojaati hal qilindi
05.05.2023, 12:54
-
Deputat 22 nafar saylovchini qiynayotgan muammosini joyida hal qildi
01.03.2023, 17:27
-
Deputat sayyor qabulida aholining murojaatlari hal etildi
24.02.2023, 11:54
-
Deputat mahallada sayyor qabul tashkil qildi
10.02.2023, 16:07
-
Deputat sayyor qabulida aholi murojaatlari hal etildi
08.02.2023, 16:42
Fikringizni qoldiring