“Faoliyatimni yosh onalar uchun tashkil etganman”, deydi sirdaryolik tadbirkor
16.04.2019, 17:20
“Tadbirkorlik faoliyatimni yosh onalar uchun tashkil etganman. Maqsadim, respublikamiz bo‘ylab ishlab chiqarayotgan mahsulotlarimizni, ya’ni chaqaloqlar uchun mo‘ljallangan maxsus ko‘rpachalarni bepul tarqatish. Xayriya tadbirimizni Qoraqalpog‘iston Respublikasidan boshlab, Navoiy viloyatiga qadar keldik”, – deydi Navoiy viloyatida tashkil etilgan xayriya tadbirida sirdaryolik YaTT D.Mansurova.
Ma’lum bo‘lishicha, “Bolalarni yaxshi ko‘raman” shiori ostida o‘tkazib kelinayotgan xayriya tadbiridan ko‘zlangan maqsad – turli sabablarga ko‘ra nosog‘lom tug‘ilgan chaqaloqlar va e’tiborga muhtoj onalar ko‘nglini ko‘tarishdan iboratdir.
Nurota tumani “Eski” qishlog‘ida yashovchi M.Yarlaqabovaning ikkinchi farzandi ming afsuski, tug‘ma nuqson tug‘ildi. Partiya faollari va tadbirkor tashrifidan xursand bo‘lgan ona ko‘nglidagi so‘zlarni yashirib o‘tirmadi.
“Bu ikkinchi farzandim. O‘g‘ilchamiz nosog‘lom tug‘ilib, ichimizga chiroq yoqsa yorishmay turgan edi. Birdaniga biz tanimagan odamlarning bizni so‘rab, sovg‘a-salom bilan kelishi ko‘nglimizni ko‘tardi. Tadbirkor opamizga katta rahmat”, – deydi u.
Ta’kidlash kerak, bugun tadbirkor har bir viloyatga 20 tadan jami 280 dona “konvert” ajratgan. Maqsadi bitta, ko‘proq mahsulot ishlab chiqarish va hadyalar sonini ko‘paytirish.
O‘zLiDeP Navoiy viloyat
Kengashi matbuot xizmati
O'xshash yangiliklar
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
Fikringizni qoldiring