Bugungi kunda aholi dardu-tashvishlari bilan yashash, muammolarga befarq bo‘lmasdan yechim topishga astoydil harakat qilish, kam ta’minlangan va extiyojmand oilar holidan xabar olish, ularga saxovatpeshalik qilish, beg‘araz yordamini ayamasdan kelayotgan xalq noiblari ham oramizdan topiladi.

 Xalq deputatlari viloyat Kengashidagi O‘zLiDeP deputatlik guruhi a’zosi, Oliy Majlis Senati a’zosi Tohir Baxronov o‘z saylovchilari ishonchini qozongan ana shunday shijoatli deputatlardan biridir.

 Xalq vakili 1-“Do‘stlik” saylov okrugi hududidagi mahallalar aholisi bilan muloqot qildi. Deputatga saylovchilardan qator muammolar o‘rtaga tashlandi va ular yechimi bo‘yicha o‘z nazoratiga oldi.

Shuningdek, Tohir Baxronov ushbu mahalladagi kam ta’minlangan oilalar, nogironlarga oziq-ovqat mahsulotlari, qimmatbaho sovg‘alar ulashdi. Ularning ko‘ngli tog‘dek ko‘tarildi.

 Shu kuni deputat ushbu hududda joylashgan maktablarga tashrif buyurib, 50 dan ortiq badiiy adabiyotlar, she’riy kitoblar, o‘quv darsliklarini taqdim qildi. Maktab jamoasi ixtiyoriga topshirilgan so‘nggi rusumdagi kompyuter jamlamasi esa axborot  texnologiyalari asrida zamonaviy fanlarni puxta o‘zlashtirishga ahd qilgan, o‘z g‘oya va ishlanmalarini  amalda qo‘llab ko‘rish istagida bo‘lgan  tolibi ilmlar uchun ayni muddao  bo‘ldi. 

E’tiborlisi, maktab ziyo maskanidagi kitoblar soni partiya vakillari, mahalliy Kengash deputatlari  va  partiya faollari ko‘magida 1560 taga yetdi. 

Umida RUSTAMOVA,

O‘zLiDeP faoli