“Mustaqillikning 20 yilligi” MFY qoshida O‘zLiDeP boshlang‘ich partiya tashkiloti tuzildi
26.04.2019, 16:39
O‘zLiDeP Norin tuman Kengashi tumandagi “Mustaqillikning 20 yilligi” MFYda “Xalq davlat idoralariga emas, balki davlat idoralari xalqimizga xizmat qilishi kerak” mavzusida davra suhbati o‘tkazdi.
Tadbirda aholi bilan doimiy muloqot qilish, odamlarning dardini eshitish, ular bilan ochiq muloqotda bo‘lish, og‘irini yengil qilish maqsadida joylarda o‘tkazilayotgan uchrashuv va ochiq muloqotlar o‘z samarasini berayotgani ta’kidlandi.
Ochiq muloqot shaklida tashkil etilgan tadbir davomida aholining muammolari, takliflari ham tinglandi. Xususan, shu mahallada yashovchi M.O‘rinova va Z.Ubaydullayevalar o‘z tomorqasida issiqxona tashkil etmoqchi ekanliklarini aytib, imtiyozli kredit olishda ko‘mak so‘radilar. O‘zLiDeP deputatlik guruhi a’zolari sa’y-harakati bilan bu muammo joyida hal etildi. Endi fuqarolarga “Agrobank” tuman filiali tomonidan 8 foizlik imtiyozli kreditlar ajratiladi.
Norinlik N.Rashidovaning kredit olish bo‘yicha qilgan murojaati ham shu yerning o‘zida qanoatlantirildi. Endi N.Roshidova ham “Xalq bank”i tuman filiali tomonidan ajratilgan imtiyozli kredit evaziga 50 bosh zotdor quyonlar olib parvarishlaydi.
–Mahallamizda 2100 nafardan ortiq aholi istiqomat qiladi, – deydi mazkur mahallada yashovchi Manzura Elchiyeva. – Partiya faollarini mahallamizga tashrifi biz uchun ayni muddao bo‘ldi. Boisi, mahallamizda o‘z biznesini boshlash harakatida yurgan, lekin kimdan ko‘mak so‘rashni bilmayotgan xotin-qizlarimiz ko‘p edi. Mana, partiya ko‘magi bilan ularning aksariyati tadbirkorlik faoliyatini yo‘lga qo‘yishdi.
Ta’kidlash kerak, tadbir davomida partiyaga a’zo bo‘lish istagini bildirgan fuqarolar partiya safiga qabul qilinib, ushbu mahalla qoshida O‘zLiDeP boshlang‘ich partiya tashkiloti tuzildi.
Yulduz YULDASHEVA,
O‘zLiDeP Namangan viloyat
Kengashi matbuot kotibi
O'xshash yangiliklar
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
-
Mahalladagi xotin-qizlarning muammo va takliflari o‘rganildi
01.03.2024, 22:01
Fikringizni qoldiring