O‘zLiDeP vakillari urganchlik Ikkinchi jahon urushi qatnashchilariga esdalik sovg‘alarini topshirdi
07.05.2019, 15:57
Urganch shahri “Xonqa” ko‘chasi 90-uyda yashovchi Jobbergan ota Qalandarov bu yil 98 yoshga to‘lib, keksalik gashtini surib yurgan faxriylardan. Otaxonning aytayotgan so‘zlari avlodlar uchun ibrat maktabi.
O‘zLiDeP Xorazm viloyat Kengashi va Mudofaaga ko‘maklashuvchi “Vatanparvar” tashkiloti viloyat bo‘limi vakillari 9 may – Xotira va qadrlash kuni munosabati bilan Jobbergan ota xonadoniga bordi. Tashrif davomida partiya vakillari otaxonga o‘z samimiy tilaklarini bildirib, ular bilan dildan suhbat qildi.
Urganch shahrida keksalik gashtini surayotgan Ollabergan ota Xudoyberganov ham ayni bahorda 94 yoshni qarshi oldi. Uning duosini olish, bayram bilan qutlash maqsadida xonadoniga kelgan partiya vakillariga otaxon ezgu niyatlarini bildirdi.
“Ikkinchi jahon urushida qozonilgan g‘alabaga ham 74 yil bo‘ldi. Ammo eslasang, kechagina o‘sha mudhish voqealar yuz bergandek ko‘z oldingda gavdalanadi. Yaratganga shukr, bizga shunday dorilomon kunlarni ko‘rish nasib etdi. Ilohim, tinchligimizga ko‘z tegmasin!”, – deydi Ollabergan ota.
Ikkinchi jahon urushi qatnashchisi Sobirjon ota Qurbonov ham bugungi dorilomon kunlardan bexad mamnun. Oilasi davrasida tinch, osuda hayot kechirmoqda.
“Prezidentimizga rahmat, har yili bayram arafasida bizni pul mukofotlari, sovg‘a-salomlar bilan siylaydi. Mana, bu yil ham 7,5 mln. so‘m miqdorida pul mukofoti bilan taqdirlandik. Bunday yuksak ehtirom va e’tibordan juda mamnunmiz. Har doim qo‘limiz duoda – Vatanimiz osmoni abadiy musaffo bo‘lsin!, – deydi Sobirjon ota.
Uchrashuvda Ikkinchi jahon urushi qatnashchilariga O‘zLiDeP viloyat Kengashi tomonidan esdalik sovg‘alari topshirildi.
Nilufar DJABBAROVA,
O’zLiDeP Xorazm viloyat Kengashi
matbuot kotibi
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlarning taklif va fikrlari o‘rganildi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring