Oliy Majlis Qonunchilik palatasi deputati Q.Babashev, O‘zLiDeP Qoraqalpog‘iston Respublikasi Kengashi raisi S.Turmanov va bir guruh partiya faollari Respublika silga qarshi kurashish bolalar sanatoriyasida bo‘lib, u yerda davolanayotgan bolajonlar holidan xabar olishdi.   

Oliy Majlis Qonunchilik palatasi deputati Q.Babashevning aytishicha, bugungi kunda yurtimizda bolalarni ijtimoiy, iqtisodiy va ma’naviy jihatdan himoya qilish bo‘yicha tizimli ishlar amalga oshirilmoqda. Jumladan, O‘zbekiston Respublikasining Konstitutsiyasi, Oila kodeksi, Fuqarolik kodeksi va boshqa bir qator qonun hujjatlarida bolalar huquqlarini himoya qilishga oid normalar o‘z ifodasini topgan.

“Bolalar bizning kelajagimiz, ertangi kunimizning davomchilari hisoblanadi, – deydi O‘zLiDeP Qoraqalpog‘iston Respublikasi Kengashi  raisi S.Turmanov. – Shu bois, har yili 1 iyun — Xalqaro bolalarni himoya qilish kuni munosabati bilan partiya faollari bilan birgalikda bolajonlar holidan xabar olamiz. Zero, bolalik – inson hayotining beg‘ubor va oltinga teng davridir.

Uchrashuvda tashkilotchilar tomonidan bolajonlarga qimmatbaho va esdalik sovg‘alari topshirildi.

 O‘zLiDeP Qoraqalpog‘iston

Respublikasi Kengashi

matbuot xizmati