O‘zLiDeP Qoraqalpog‘iston Respublikasi Kengashi partiya “Yoshlar qanoti” faollari uchun “QQAVTOTEXXIZMET” korxonasiga sayohat uyushtirdi.

Bundan ko‘zlangan maqsad – yoshlarni korxona qoshida faoliyat yuritayotgan BPT faoliyati bilan yaqindan tanishtirish, yigit-qizlarning bo‘sh vaqtlarini mazmunli o‘tkazish, partiyaga xayrixoh yoshlarni O‘zLiDeP safiga jalb etish, shuningdek, korxonada ishlab chiqarilayotgan avtomobillar haqida ularga kengroq ma’lumotlar berishdan iborat bo‘ldi.

“Guvohi bo‘lganingizdik, korxonamizda so‘nggi yillari ishlab chiqarilayotgan “Malibu-3”, “Nexia-3”, “Tracker”, “Motorola” avtomobillari keltirilgan. Korxonamiz asosan diller sifatida aholiga xizmat ko‘rsatadi. Qolaversa, avto seximizda ta’mirga muhtoj holatga tushib qolgan mashinalar ham ta’mirlanadi”, – deydi korxona bosh menedjeri A.Muratbayev.

“Keyingi yil avtotransport kollejini tamomlayman, – deydi partiya “Yoshlar qanoti” faoli S.Sultabayev. – Bolalikdan avtomobillarga qiziqishim baland bo‘lgani sababli, 3 oydan buyon ushbu korxonada ish o‘rganyapman”.

 O‘zLiDeP Qoraqalpog‘iston Respublikasi

Kengashi matbuot xizmati