O‘zLiDeP deputati ko‘magida Baliqchida uchta tadbirkorlik sub’ekti faoliyat boshladi
22.01.2020, 09:59
Baliqchi tumanining “Qiyali” mahalla fuqarolar yig‘inida 2019 yil oxirida sport buyumlari ishlab chiqarishga ixtisoslashtirilgan kichik tikuv tsehi ish boshladi. Bugun M.Xolmatova rahbarlik qilayotgan korxona xodimlari xalq deputatlari tuman kengashi deputatligiga saylangan S.Xudoyberdiyevadan minnatdor. Sababi deputat tashabbusi bilan tashkil etilgan ushbu tsehda ishlab chiqarilayotgan 10 turga yaqin sport buyumlari bugun ichki bozorda xaridorlarini topib ulgurdi.
Hududda yangi ish boshlagan “Go‘zallik saloni” ham bugun mijozlar bilan gavjum. Nigora Xo‘jamova rahbarlik qilayotgan mazkur ayollar sartaroshxonasi faoliyati ham mahalla xotin-qizlari uchun ayni ko‘ngildagi muddao bo‘ldi.
“O‘zLiDeP “Ayollar qanoti”ning xotin-qizlarni kichik biznes, oilaviy tadbirkorlik, hunarmandchilik, kasanachilikka jalb etishga mo‘ljallangan “Bunyodkor ayol” loyihasi doirasida tumanda ko‘plab yangi ish o‘rinlari yaratilmoqda, – deydi S.Xudoyberdiyeva. – Hududimizdagi maishiy xizmat ko‘rsatish shohobchalarining tashkil etilishi ham, albatta, aholining talablaridan kelib chiqqanini ta’kidlashni istardim. Bugun qishloqlarni zamonaviy shaharlardan qolishmaydigan darajaga yetkazish fursati yetdi, deb hisoblayman. Kecha bizga ishonib ovoz bergan saylovchilarning muammolariga yechim topish eng asosiy vazifamizdir”.
Darvoqe, deputat tashabbusi bilan mazkur loyiha doirasida tashkil etilgan “Kamalak” maktabgacha ta’lim muassasasi bugun hududdagi 30 nafar tarbiyalanuvchini qamrab olgan.
Mohidil TOXLIBOYEVA,
O‘zLiDeP Baliqchi tuman Kengashi
apparat rahbari
O'xshash yangiliklar
-
Mahalladagi xotin-qizlarning muammo va takliflari o‘rganildi
01.03.2024, 22:01
-
Gulchi opa mahalla xotin-qizlariga o‘z tajribasini ommalashtirdi
24.02.2024, 12:22
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
“Eng yaxshi biznes reja” tanlovi g‘oliblari
25.01.2024, 16:27
-
Surxondaryoda eng yaxshi biznes loyiha muallifi saralandi
23.01.2024, 15:19
Fikringizni qoldiring