Xalqning ishonchini oqlash uchun bugundan boshlab jiddiy harakat qilamiz
22.01.2020, 17:59
Prezidentimizning Oliy Majlis Qonunchilik palatasi va Senatining birinchi majlislaridagi nutqini televideniye orqali ko‘rdik, bosma va elektron nashrlardan o‘qidik.
Prezidentimiz deputat, avvalo, hamisha xalq dardi bilan yashashi, odamlarni qiynayotgan muammolarni hal qilish uchun fidoyilik ko‘rsatib boshqalarga o‘rnak bo‘lishi kerakligini yana bir bor tushuntirib o‘tdilar. Ayniqsa, davlatimiz rahbarining “Har bir deputat besh yil davomida o‘z so‘zining ustidan to‘liq chiqishi, partiyasining obro‘sini saqlashi uchun bugundan boshlab jiddiy harakat boshlashi kerak” degan so‘zlari mahalliy Kengashlardagi deputatlarni ham yanada shijoat va mas’uliyat bilan ishlashga undamoqda.
Shu sababli biz saylovchilar va elektorat manfaatlarini himoya qilish uchun berilgan vakolat hamda imkoniyatlarni to‘la ishga solishga, qo‘yilgan vazifalarni teran anglab, faoliyat yuritishga bor kuchimizni safarbar etamiz. Zero, shundagina, oldimizga qo‘yilgan maqsadlarga bosqichma-bosqich erishish mumkin.
Prezidentimiz deputatlar tashabbus ko‘rsatish uchun o‘z ustida muntazam ishlashi, har bir soha bo‘yicha qabul qilingan qarorda xalq manfaatlari yo‘lida mustahkam zamin yaratishi kerakligini ta’kidladilar.
Haqiqatdan ham, agar deputat yetarli bilim va ko‘nikmaga ega bo‘lsa, malakasini doimiy oshirib borsa, o‘ylaymanki, ular xalq bildirgan ishonchni oqlay oladi, joylardagi muammolarga yechim topa oladi. Chunki bugun xalqimiz bizga katta umid va ishonch bilan qaramoqda. Yuksak hurmat va e’tiborga sazovor bo‘lish uchun esa eng avvalo, amaliy ishlar bilan xalqning mehrini qozonish, ishonchini oqlash kerak. Xalqni rozi qilish va partiyamiz obro‘sini saqlash uchun bugundan boshlab jiddiy harakat qilamiz.
Olimxon BABAXANOV,
Xalq deputatlari Namangan viloyat
Kengashidagi O‘zLiDeP
deputatlik guruhi a’zosi
O'xshash yangiliklar
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
-
O’qituvchilar bilan uchrashuvda ta’lim sifatiga ta’sir qiluvchi ayrim omillar sanab o‘tildi
26.01.2024, 16:53
-
Andijonda “Inson” ijtimoiy xizmatlar markazi faoliyati o‘rganildi
26.01.2024, 16:27
-
Aholiga tibbiy xizmatlar ko‘rsatish hamda ta’lim sohasidagi ishlar holati tahlil qilindi
26.01.2024, 16:19
Fikringizni qoldiring