O‘zLiDeP faoli 100 nafar sardobalik yoshlarni ishli bilan ta’minladi
28.01.2020, 15:26
O‘zLiDeP Sirdaryo viloyat Kengashi Yoshlar bilan ishlash bo‘limi tashabbusi bilan Sardoba tuman Kengashi hamkorligida “Tadbirkorlik – davr talabi” mavzusida tadbir bo‘lib o‘tdi. Paxtaobod shaharchasida istiqomat qiluvchi yoshlar “Friend's in Sardoba” mas’uliyati cheklangan jamiyati faoliyati bilan tanishishdi.
Yosh tadbirkor, ushbu korxona rahbari Mavjuda Abdug‘aniyeva “Yoshlar – kelajagimiz” jamg‘armasidan ajratilgan 200 million so‘mlik kredit evaziga zamonaviy uskunalar olib kelib qishloq sharoitida qandolatchilik mahsulotlarini ishlab chiqarish sexini tashkil qildi. Hozirda 10 nafarga yaqin ayollar mehnat qilayotgan qandolat sexida 12 turdagi qandolat mahsulotlari, kuniga 150 donadan ziyod qolipli non ishlab chiqarish yo‘lga qo‘yilgan. Sexda ishlab chiqarilayotgan mahsulotlarga Guliston, Jizzax va Sardoba tumanining o‘zida talabgorlar safi kun sayin ortib bormoqda. Shuningdek, MChJ qoshida 2 ta savdo do‘koni ishlab turibdi.
- Paxtaobod qishloq xo‘jaligi kasb-hunar kollejini tamomlagach, qandolatchilik sexida ish boshladim, - dedi Aziza Soatova. - Shu yerda ishlash jarayonida qandolat mahsulotlari tayyorlash sir-asrorlarini o‘z ishining ustasi Nargiza Hasanovadan o‘rgandim.
Ushbu sexda faoliyat yuritayotgan ko‘plab boshqa yoshlar ham mahalla hududidan qandolatchilik sexi ochilganligi ayni muddao bo‘lganligini ta’kidlashdi.
Shuningdek, tadbirkor kelgusida makaron ishlab chiqarish sexini tashkil etish va ish o‘rinlarini ko‘paytirish niyatida ekanligini bildirdi.
Dilorom ESONOVA,
O‘zLiDeP Sirdaryo viloyat Kengashi
matbuot kotibi
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Fikringizni qoldiring