Bir uchrashuvda 6 muammo hal etildi
09.01.2018, 17:13
Viloyatimizning har bir tumanida, chekka-chekka hududlarida xalqning ishonchli vakili bo‘lgan deputatlar partiyaning dasturi, maqsad va vazifalaridan kelib chiqqan holda xalq bilan muloqot qilish, inson manfaatlarini har tomonlama himoya qilish, shu bilan birga aholini o‘ylantirayotgan muammolarga o‘z vaqtida yechim topish maqsadida doimiy uchrashuvlar o‘tkazib kelmoqdalar.
Ana shunday uchrashuvlardan biri Xazorasp tumanining Bog‘lar va Uzukka qosh mahallalarida O‘zLiDeP viloyat va tuman Kengashi deputati G.Matmuratova tashabbusi bilan o‘tkazildi. Unda O‘zLiDeP viloyat hamda Xazorasp tuman Kengashi xodimlari, "Hazorasptumangaz" filiali rahbari X.Ro‘zmetov, tuman Elektr tarmoqlari korxonasi direktor o‘rinbosari O.Boltayev, Obodonlashtirish boshqarmasi boshlig‘i O.Ro‘zmetov, tuman yo‘l xo‘jaligi pudrat ta’mirlash-foydalanish korxonasi xodimi Sh.Turdiyev, mahalla fuqarolar yig‘ini faollari hamda hududda yashovchi fuqarolar ishtirok etdi.
Uchrashuvda 20 dan ortiq muammo va masalalar ko‘tarildi. Jumladan, Qodirov Nazarboy aka mahallasining katta yo‘l bo‘yida joylashganiga qaramay piyodalar o‘tish yo‘lagi belgilanmagani sabab farzandlarining maktabga qatnashlarida xavf tug‘dirayotganini aytdi. Ushbu muammoni bartaraf etishni tuman yo‘l xo‘jaligi pudrat ta’mirlash-foydalanish korxonasi xodimi Sh.Turdiyev o‘z zimmasiga oldi.
– Men tomorqamda dehqonchilik bilan shug‘ullanaman, – dedi Bog‘lar mahallasida yashovchi fuqaro Q.Xo‘janiyozov. – Oqava suvning yo‘qligi sabab yerdan yaxshi hosil ololmayapman. Mahallamizga oqava suvni keltirishni so‘rab tegishli joylarga murojaat etdik, ammo foydasi bo‘lmadi. Bugungi uchrashuvda G.Matmuratova tegishli tashkilotlarga deputatlik so‘rovi yuborish orqali muammomizni hal qilishda amaliy yordam berishini birdirdi.
Uchrashuvda Bagandik Aminov, Dildora va Sadoqat Iskandarova, Sapargul Jumaniyozova, Ro‘za Xudayorova hamda Dilnura Tohirovalar ish so‘rab murojaat etdilar. Sadoqat va Dildora Iskandarovalar shu yerning o‘zida mahalladagi tikuvchilik sexiga ishga qabul qilindi.
Uchrashuvda elektr va gaz ta’minotidagi uzilishlar, ko‘mir yetishmasligi masalalari borasidagi muammolar ham muhokama etildi. 6 ta muammoga shu yerning o‘zida yechim topildi. Qolgan murojaatlar deputatlik nazoratiga olindi.
Nilufar Djabbarova
O‘zLiDeP Xorazm viloyat Kengashi
matbuot xizmati kotibi
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring