Prezidentimizning Oliy Majlisga Murojaatnomasi yoshlarning muhokama markazida
16.01.2018, 15:37
Farg‘ona davlat universitetida O‘zLiDeP Farg‘ona shahar Kengashi tashabbusi bilan “O‘zbekiston Respublikasi Prezidenti Shavkat Mirziyoyevning Oliy Majlisga Murojaatnomasidan kelib chiqadigan vazifalar” mavzusida davra suhbati bo‘lib o‘tdi. Tadbirda O‘zLiDeP Farg‘ona viloyati Kengashi xodimlari, Xalq deputatlari Farg‘ona shahar Kengashidagi O‘zLiDeP deputatlik guruhi a’zolari, “Yoshlar qanoti” faollari hamda OAV vakillari ishtirok etdi.
Davra suhbatida qayd etilganidek, partiya tomonidan yoshlarga oid davlat siyosatini izchil va samarali amalga oshirish, yoshlarni har tomonlama qo‘llab-quvvatlash, huquq va qonuniy manfaatlarini himoya qilish tizimini tubdan isloh etish maqsadida bir qator amaliy ishlar olib borilmoqda.
Bu borada keng jamoatchilik, avvalo, yoshlarning taklif va mulohazalarini e’tiborga olish, talaba va o‘quvchilarning siyosiy bilimlarini oshirish, vatanparvarlik hissini kuchaytirishda vakillik organlarining imkoniyatlaridan foydalanish, shuningdek, xalq deputatlari mahalliy Kengashlari sessiyalarida yoshlar ishtirokini ta’minlash, deputatlik faoliyati bilan yaqindan tanishishlari uchun imkoniyat yaratib berish masalalari ko‘rib chiqildi.
Tadbir davomida talaba yoshlarning Murojaatnoma bo‘yicha 2018 yilda amalga oshirilishi rejalashtirilgan ishlar, tadbirkorlarga yaratilayotgan imkoniyatlar va innovatsion faoliyatni rivojlantirishda berilayotgan imtiyozlar to‘g‘risidagi savollariga javob qaytarildi.
Tadbir yakunida partiya a’zoligiga qabul qilingan bir guruh yoshlarga partiya guvohnomalari tantanali topshirildi.
A.OTABOYEV,
O‘zLiDeP Farg‘ona viloyati
Kengashi matbuot xizmati xodimi
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Yoshlarning biznesga qiziqishi yana-da ortmoqda
24.04.2024, 17:07
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
Fikringizni qoldiring