Farg‘onalik deputatlar qonun loyihalariga 50 dan ortiq taklif berishdi
19.01.2018, 15:04
Oliy Majlis Qonunchilik palatasidagi O‘zLiDeP fraksiyasi hamda mahalliy davlat hokimiyatining vakillik organlaridagi guruhlari faoliyatini muvofiqlashtirish, ularda partiya Dasturini bajarish doirasida qonunchilik tashabbusini izchil va maqsadli amalga oshirish qobiliyatini shakllantirish maqsadida Farg‘ona viloyati axborot-kutubxona markazida amaliy muloqot tashkil etildi.
Oliy Majlis Qonunchilik palatasi deputatlari, O‘zLiDePning Oliy Majlis fraksiyasi ijrochi kotibi, xalq deputatlari viloyat Kengashi deputatlari, partiyaning tuman va shahar Kengashi xodimlari, mutasaddi tashkilotlar va ommaviy axborot vositalari ishtirok etgan muloqotda O‘zbekiston Respublikasi Oliy Majlisi Qonunchilik palatasining Yalpi majlisida birinchi o‘qishda konseptual jihatdan qabul qilingan Qonun loyihalari keng muhokama qilindi.
Ishtirokchilar tomonidan “O‘zbekiston Respublikasining “Ma’muriy javobgarlik to‘g‘risida”gi Kodeksiga o‘zgartishlar va qo‘shimchalar kiritish to‘g‘risida”gi, “Davlat xaridlari to‘g‘risida”gi, “Qishloq xo‘jalik o‘simliklarini zararkunandalar, kasalliklar va begona o‘tlardan himoya qilish to‘g‘risida”gi, “Mediatsiya to‘g‘risida”gi Qonuni loyihalari yuzasidan 50 dan ortiq takliflar berildi.
– Bugungi tadbirda O‘zbekiston Respublikasi Oliy Majlisi Qonunchilik palatasining Yalpi majlisida birinchi o‘qishda konseptual jihatdan qabul qilingan Qonun loyihalarini mutasaddi tashkilotlar, partiya elektorati, partiyaning tuman va shahar Kengashi xodimlari, sohaga aloqador mutaxassis ekspertlar bilan birgalikda keng muhokama qildik, – deydi O‘zLiDeP Farg‘ona viloyati Kengashi raisi, Xalq deputatlari viloyat Kengashi deputati R.Kamolov. – Qonun loyihalariga mamlakatimizda amalga oshirilayotgan islohotlardan kelib chiqqan holda, o‘z takliflarimizni berdik. O‘ylaymanki, bu tarzda tashkil etilayotgan muhokamalardan so‘ng qabul qilingan qonunlar xalqimizning manfaatiga xizmat qiladi.
A.OTABOYEV,
O‘zLiDeP Farg‘ona viloyati
Kengashi matbuot xizmati xodimi
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring