O‘zLiDeP deputati ko‘magida Ulug‘norda 750 ta yangi ish o‘rni yaratiladi
23.01.2018, 17:01
Ulug‘nor tumani Andijon viloyatining chekka cho‘l zonasi hisoblanadi. Hududda ishlab chiqarish korxonasi ko‘p emas. Ammo aholini ish bilan ta’minlash bugungi kunning dolzarb vazifasidir. Shundan kelib chiqib, O‘zLiDeP deputatlik guruhi a’zosi, tadbirkor Muhammadjon Abdullayev tumanda ishlab chiqarish korxonasini barpo etishga bel bog‘ladi.
Tadbirkor tuman hokimligiga to‘qimachilik korxonasini qurish va faoliyatini yo‘lga qo‘yish uchun ariza bilan murojaat qildi. Uning 50 milliard 938 million so‘m mablag‘ hisobidagi loyihasi tasdiqlangach, tadbirkorga tuman markazida foydalanilmay turgan qarovsiz yer “nol” qiymatida investitsiya kiritish sharti bilan ajratildi.
– Loyiha tadbirkor hamkorimiz Iqboljon Abdubannayevning 12 milliard 734 million so‘m mablag‘i va “Asakabank”ning 38 milliard 204 million so‘m mablag‘ hisobiga moliyalashtirilgan, – deydi tadbirkor M. Abdullayev. – Korxonada 1-bosqichda to‘qimachilik mahsulotlari, 2-bosqichda mato va ipni bo‘yash hamda trikotaj mahsulotlari ishlab chiqariladi. Prezidentimizning “To‘qimachilik, tikuv-trikotaj sanoatini jadal riojlantirish chora-tadbirlari to‘g‘risida”gi Farmoni bu boradagi ishlarimizni yanada yuqori bosqichga ko‘tarishda muhim ahamiyat kasb etadi, deb ishonamiz.
Ayni paytda “Vodiy sanoat faxri” MChJ ta’sischiligidagi korxonaning pardozlash ishlari amalga oshirilmoqda. Mazkur tadbirkorlik ob’ekti ishga tushgach, 750 ta yangi ish o‘rni yaratiladi.
Dilmurod SULTONOV,
O‘zLiDeP Andijon viloyat Kengashi
biznes tuzilmalari va fermerlar
bilan ishlash bo‘limi mudiri
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
O‘zLiDeP Samarqand viloyat Kengashining yig‘ilishi bo‘lib o‘tdi
28.03.2024, 17:17
-
Tadbirkorlar qo‘llab-quvvatlanadi
28.03.2024, 17:16
-
Yoshlar o‘rtasida deputat kubogi uchun bahs olib borildi
28.03.2024, 17:11
-
Samarqandlik tadbirkorlarning muammo va takliflari o‘rganilmoqda
28.03.2024, 16:55
-
Quyi bo‘g‘inlarda hisobot – saylov yig‘ilishlari davom etmoqda
28.03.2024, 16:37
Fikringizni qoldiring