SAYYOR QABUL: Muammolarga yechim topilmoqda
26.01.2018, 12:49
O‘zLiDeP Farg‘ona viloyati Kengashi tomonidan O‘zbekiston Respublikasi Prezidentining 2016 yil 28 dekabrdagi “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar to‘g‘risida”gi Farmoni ijrosini ta’minlash maqsadida prokuratura, ichki ishlar, soliq, tijorat banklari, sog‘liqni saqlash, bandlikka ko‘maklashish markazi, kommunal xizmat idoralari rahbarlari va Xalq deputatlari viloyat, tuman, shahar Kengashi deputatlari ishtirokida sayyor qabullar o‘tkazib kelinmoqda.
Yozyovon tumanidagi Markaziy Farg‘ona mahalla fuqarolar yig‘inida o‘tkazilgan sayyor qabulda ham hududdagi muammolarga tegishli mutasaddi tashkilotlar bilan hamkorlikda amaliy yechim topishga kelishildi.
Sayyor qabulda hudud aholisi tomonidan o‘rganish davomida aniqlangan muammolar aytib o‘tildi. Jumladan, aholini toza ichimlik suvi bilan ta’minlash, ko‘chalarni yoritish bilan bog‘liq masalalar, oqava gaz yetkazib berishdagi mavjud muammolar hamda tadbirkorlik faoliyatini boshlash bo‘yicha beriladigan imtiyozlar va boshqa bir qator masalalar bo‘yicha murojaatlar ko‘rib chiqildi.
Sayyor qabulda bildirilgan barcha muammolar nazoratga olindi. Muammolar yuzasidan mutasaddi tashkilotlarga deputatlik so‘rovlarini yuborish va uning nazoratini mahalliy Kengashlarga O‘zLiDePdan saylangan deputatlar zimmasiga yuklashga kelishib olindi.
A.OTABOYEV,
O‘zLiDeP Farg‘ona viloyati
Kengashi matbuot xizmati
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring