O‘zLiDeP Samarqand shahar Kengashi “Daka” ma’suliyati cheklangan jamiyatida “O‘zLiDeP – mamlakatimizda yaratilayotgan qulay ishbilarmonlik muhitidan samarali foydalanish va eksportni yanada oshirish tarafdori” mavzuida  ochiq muloqot tashkil etdi.

Tadbirda mamlakatimizda ishbilarmonlik muhitini yanada yaxshilash, kichik biznes va xususiy tadbirkorlikni rivojlantirish yo‘lida amalga oshirilayotgan islohotlar yuksak samaralar berayotgani, bu borada ortiqcha byurokratik to‘siq va g‘ovlarni bartaraf etish yuzasidan tizimli ishlar amalga oshirilayotgani ta’kidlandi.

– Korxonamiz 2013 yilda tashkil etilgan bo‘lib, asosan trikotaj mahsulotlarini ishlab chiqaradi, –  deydi korxona rahbari Rustam Qarshiboyev.  – So‘ngi uch yil davomida 310 ming AQSh dollari miqdoridagi  investitsiyani o‘zlashtirilgan bo‘lsa, o‘tgan yili 1 mln. 200 ming AQSh dollari miqdoridagi mahsulotni eksport qildik. Korxonamizda 800 ming dona tirikotaj mahsulotlari ishlab chiqariladi, 147 nafar yigit-qiz doimiy ish bilan band. Ayni paytda faoliyatimizni yanada kengaytirish, qo‘shimcha ish o‘rinlarini yaratish bo‘yicha ish olib boryapmiz.

– Mamlakatingizda ishbilarmonlar uchun barcha sharoitlar yaratilgani, xorijiy sarmoyadorlarda katta qiziqish uyg‘otmoqda, – deydi korxona menejeri turkiyalik Arsen Boztene. – To‘rt yildan bo‘yon ushbu korxonada faoliyat olib boraman. Quvonarlisi, yurtingiz yoshlari juda mehnatkash, bilimli va intiluvchan. Ular bilan ishlash menga zavq bag‘ishlaydi.

Tadbirda mamlakatimizda yetakchi kuchga aylanib borayotgan tadbirkorlikni rivojlantirish bo‘yicha olib borilayotgan islohotlar, ularning mazmun-mohiyati haqida batafsil ma’lumot berildi.

O‘zLiDeP Samarqand viloyat kengashi

matbuot xizmati

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!