O‘zbekistonda ilk bor o‘tkazilayotgan “Tadbirkorlik haftaligi”ga marhamat!

08.11.2017, 17:51

Ma’lumki, 2006 yildan beri dunyoning turli davlatlarida Xalqaro biznes va texnologiyalar uyushmasi Global tadbirkorlik tarmog‘i tomonidan tadbirkorlik haftaligi o‘tkazib kelinmoqda. Uning doirasida tashkil etilgan tadbirkorlik sohasiga bag‘ishlangan turli xil forumlar, davra suhbatlari, dunyoning taniqli va ilg‘or tadbirkorlari bilan ochiq muloqotlar, o‘z tadbirkorligini boshlamoqchi bo‘lgan yoshlar uchun biznes-trenerlar tomonidan master-klasslar o‘tkaziladi. Shuningdek, tadbirlar davomida tadbirkorlikning milliy va jahon iqtisodiyoti rivojiga qo‘shib kelayotgan hissasi, biznesning yangi innovatsion strategiyalari hamda moliyaviy ko‘mak masalalari keng va atroflicha muhokama etiladi.

Mamlakatimizda ham tadbirkorlik sohasi jadal rivojlanib, iqtisodiyotning o‘sishiga o‘zining salmoqli hissasini qo‘shib kelmoqda. Xususan, tadbirkorlik sohasi vakillarini bir joyga jamlash, ularning yaqindan hamkorlik qilishi uchun sharoit yaratish, innovatsion tadbirkorlik va «startup» loyihalarni amalga oshirish hamda mazkur sohadagi tashabbuslarni rag‘batlantirish maqsadida joriy yilning 13-19 noyabr kunlari O‘zbekistonda ilk marotaba “Tadbirkorlik haftaligi” o‘tkazilishi rejalashtirilmoqda.

Haftalik doirasidagi uchrashuvlar, ochiq muloqotlar va forumlarda Respublikamizning turli hududlaridagi yirik tadbirkorlik sub’ektlari rahbarlari, investorlar, eksport bo‘yicha soha mutaxassislari ishtirok etishi ko‘zda tutilgan.

Tadbirlarda ishtirok etib, biznesingizda uchrayotgan turli to‘siqlar, investitsiya kiritish va eksport bo‘yicha o‘z savol, taklif va mulohazalaringiz bilan o‘rtoqlashing!

Batafsil ma’lumot uchun telefonlar: 0 (371) 255-46-36, 255-46-22

P.S: Tadbirkorlik haftaligi davomida O’zLiDeP “Yoshlar va ayollar qanoti” tomonidan ham bir qator tadbirlar o‘tkazilishi rejalashtirilmoqda.

Tadbirlar rejasi ilova etiladi.

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!

Teglar

Ayollar qanoti Yoshlar qanoti

Ko'rildi

1491
Chop etish
Do'stlar bilan ulashish

Bildirilgan fikrlar

"Аёллар қаноти" гуруҳи Бухоро вилояти2018-08-18 12:26:32

Ўзбекистон Республикаси Мустақиллигининг 27 йиллиги муносабати билан "Аёллар қаноти" томонидан режалаштирилган олима ва зиёли, тадбиркор, ишбилармон ва фермер хотин-қизлар билан учрашувлар, мулоқот ва давра суҳбатлари, семинар-тренинглар ва баҳс-мунозаралар жуда катта самара беради, чунки бизлар бу тадбирларда партия олдида турган энг муҳим вазифаларни, айниқса "Аёллар қаноти" лойиҳаларини айнан ана шу учрашувлар давомида кенг тарғиб қилишга эришамиз. Шу фурсатдан фойдаланиб барча вилоятларнинг "Аёллар қаноти" гуруҳи ходимларини кириб келаётган қўшалоқ "Қурбон ҳайити" ҳамда Мутақиллигимизнинг 27 йиллиги билан чин юракдан, самимий муборакбод этамиз, юртимиз тинч, осмонимиз мусаффо бўлсин, юртбошимиз бизнинг бошимизда ҳамиша соғ-саломат бўлсинлар.

Носирова Шоира Навоий вилояти Кармана туман Кенгаши депутати2018-07-24 23:12:32

“Аёллар қаноти” энг улуғ байрамда олима ва тадбиркор аёллар билан давра суҳбатлари ўтказишни режалаштираётганлигини қўллаб қувватлайман. Барча вилоятларда ўтказилса яхши бўлар эди. Илмли, фидойи олима ва тадбиркор аёллармизни фикрлари бирлашса янада янги ғоялар яратилишига замин яратади.

Файзинисо Шукурова Кат.шах. Кенгаш "Аёллар қаноти" рахбари2018-07-14 08:08:30

“Ўзбекистон Республикаси давлат мустақиллигининг йигирма етти йиллик байрамига тайёргарлик кўриш ва уни ўтказиш тўғрисида”ги қарор. Партия “Аёллар қаноти” хотин-қизлар орасига чуқурроқ кириб мустақиллик йилларида аёлларга кўрсатилаётган этибор, уларнинг ижтимоий-сиёсий фаоллигини ошириш, жамиятдаги мавқеини мустаҳкамлаш бўйича қабул қилинаётган меъёрий хуқуқий хужжатлар мазмун-моҳиятини кенг тушинтиришдир.

ЗУЛХУМОР2018-07-10 19:56:17

Мен уйимда икботирим бор жужа бедана куйола бокияаман икбатиримда 20минг та жужа чикорман хокимияат томандан ер ажиратилган кйим 3 сотикли булгалик учун 8мингта жужларим бор ем етишритришим кийин булияапди фермами курулиш килш учун маблахим йук оди ерими кутаришим учун 9 милйоним кети менга йордам беринг илтмас киридитга йам бус тирахтир киридит беришмайабди менга йордам керак нима учун прездетмизни карорлага буйин егмайапдла 7 % йук деб олдин эса 4 % дагала унихам беришмади танишлари бекорчилкга беришйапди илтмас йордам беринг