O‘zbekiston faol tadbirkorlari anjumanida hududlardan videokonferensiya orqali bog‘langan tadbirkorlar ham o‘z savollari bilan faol ishtirok etmoqda. Qashqadaryolik tadbirkor Otabek Axtamov mutaxassislardan o‘z savoliga javob olgan faollarimizdan biri. 

– Demokratik davlatda sud-huquq tizimida, sud, tergov va nizolarni sudgacha hal etish jarayonlarida, adolatni tiklash va qaror toptirishda advokatura instituti alohida o‘rin tutadi, – deydi u. – Davlat Dasturida bu borada qanday vazifalar belgilangan va ular tabirkorlaga, ularning faoliyatini yengillashtirishga qanday ta’sir ko‘rsatadi?

– Davlat dasturi doirasida nizolarni sudgacha hal etish masalasiga alohida urg‘u berilgan, – deydi O‘zLiDeP fraksiyasi a’zosi, Oliy Majlis Qonunchilik palatasi deputati Shuhrat Bafayev. – Bu odamlarimizni ortiqcha yugur-yugur va ovvoragarchiliklardan qutqaradi. Bundan tashqari, fraksiyamiz bilan tadbirkorlar uchun bepul yuridik xizmat ko‘rsatish to‘g‘risidagi qonun loyihasini tayyorlayapmiz. Bu tadbirkorligini endi boshlayotgan yosh yigit-qizlarimiz faoliyatini rivojlantirishga xizmat qiladi.

O‘zLiDeP matbuot xizmati

O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!