Uychilik 10 nafar uyushmagan yoshlarga “Taekvan-do” sport klubida shug‘ullanishlari uchun sharoit yaratildi
14.02.2018, 15:22
Hozirgi vaqtda mamlakatimiz aholisining 32 foizdan ortig‘ini 30 yoshgacha bo‘lgan yoshlarimiz tashkil etadi. Yoshlarni ma’nan yetuk, sog‘lom va albatta yurtimiz taraqqiyotiga katta hissa qo‘sha oladigan shaxs sifatida kamol topishida barchamiz birdek mas’ulmiz.
O‘zLiDeP Uychi tuman Kengashi “Yoshlar qanoti” tashabbusi bilan "Yoshlari sog‘lom yurtning - kelajagi buyukdir" mavzusidagi davra suhbati ham ayni shu maqsadda tashkil etildi. Tadbirda davlatimiz rahbari tomonidan yoshlarga katta etibor qaratilayotgani, ularni har tomonlama sog‘lom va barkomol bo‘lib voyaga yetishlari uchun zaruriy sharoitlar yaratib berilayotgani ta’kidlandi.
- Bugun nafaqat viloyat markazlarida, balki chekka hududlarda ham sport komplekslari barpo etilmoqda, - deydi Uychi tumanidagi “Taekvan-do” sport klubi rahbari Azamat Qozoqov. - Bugungi kunda tumanimizda ham yoshlarning bo‘sh vaqtlarini mazmunli o‘tkazishlarini ta’minlash va sog‘lom bo‘lib voyaga yetishlari uchun joylarda sport klublari kundan kunga ko‘payib bormoqda. Xususan, bizning klubimizda hozirgi kunda 40 dan ortiq yoshlar sportning taekvan-do turi bo‘yicha shug‘ullanib kelishmoqda.
Mamlakatimizda amalga oshirilayotgan ushbu islohotlar yoshlarni sog‘lom va barkamol bo‘lib voyaga yetishlari bilan bir qatorda jahon maydonida yurtimiz sharafini himoya qilishlariga ham xizmat qilayotgani e’tirof etildi. Yoshlar o‘rtasida bu kabi tadbirlar doimiy tashkillashtirib borilishi kerakligi ta’kidlandi.
Tadbir so‘ngida Uychi tumanidagi Soku va G‘ayrat mahallalarida yashovchi 10 nafar uyushmagan yoshlar “Taekvan-do” sport klubida shug‘ullanishlari uchun sharoit yaratildi.
O‘zLiDeP Namangan viloyat Kengashi
matbuot xizmati
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Talaba-yoshlarning partiya loyihalariga qiziqishi ortmoqda
09.04.2024, 19:25
-
Nukuslik yoshlarning moliyaviy savodxonligi oshirildi
31.03.2024, 09:59
-
Yoshlarning moliyaviy savodxonligi oshirildi
16.03.2024, 14:44
-
Deputat talabalarning ta’lim va ish bilan bandlik yo‘nalishidagi muammolari bilan qiziqdi
07.03.2024, 10:56
-
Maktab bitiruvchilari yoshlar kichik sanoat zonasi faoliyati bilan tanishdi
01.03.2024, 22:13
Fikringizni qoldiring