Muzey eksponatlari orasida ilk marotaba o‘tgan asrning 20-yillarida osmonga parvoz qilgan “U-2” samolyoti bilan birga eng zamonaviy “787-Drenlaynt"larning maketlari ajralib turadi.

O‘zining ongli hayoti  va unutilmas faoliyatini ushbu korxona bilan bog‘lagan A.Yefremov, M.Simayev, O.Rojkov, V.Bakalo, N.Yafyasov, V.Pshinichnikov singari fidoyi insonlarning ham fotosuratlari muzey ko‘rgazmalaridan o‘rin olgan. Aeroport tarixida o‘zining o‘chmas izini qoldirgan bu insonlar  bilan bugungi avlod chindanda faxrlanadi. Ko‘rgazmalarda shuningdek, ular foydalangan buyumlar, ish kiyimlarini ham ko‘rish mumkin.

“Buxoro” xalqaro aeroporti keyingi yillarda Hamdo‘stlik davlatlar “Aeroport” Assotsiatsiyasi ko‘rik-tanlovlarning “Barqaror rivojlanayotgan aeroporti” “MDH mamlakatlari o‘rtasida yilning eng yaxshi aeroporti” nominatsiyalari bo‘yicha g‘oliblikni qo‘lga kiritib, yuqori sovrinlarga ega bo‘lyapti.

Muzey eksponatlari sifatida ana shu assotsiatsiya tomonidan “Buxoro” xalqaro aeroportiga topshirilgan Diplom va Faxriy yorliqlar ham o‘rin olgan. Muzey ochilishida mazkur aeroport direktori, senator T, Bahromov “Nuroniy” jamg‘armasi viloyat bo‘limi raisi S.Husenov mehnat faxriysi A.Vahobov so‘zga chiqib, muzey bugungi avlodning aeroport tarixi bilan yaqindan tanishishlarida, keksa avlod vakillari tomonidan boshlab berilgan ezgu ishlarni davom ettirishlariga muhim ahamiyatga ega ekanligini ta’kidladilar.

Umida Rustamova,

“Buxoro” xalqaro aeroporti xodimi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!