«Shavkat Mirziyoyev boshchiligida O‘zbekiston eski siyosiy trayektoriyadan uzoqlashib, mutlaqo yangi jarayonni boshdan kechirmoqda»

25.05.2018, 10:49

«Shavkat Mirziyoyev boshchiligida O‘zbekiston eski siyosiy trayektoriyadan uzoqlashib, mutlaqo yangi jarayonni boshdan kechirmoqda»

AQShning nufuzli “The National Interest” jurnalida chop etilgan maqolada ana shunday fikr bildiriladi.

Maqola muallifi — taniqli tahlilchi, Amerika tashqi siyosat bo‘yicha kengashi (“American Foreign Policy Council”) vitse-prezidenti Ilan Bermanning yozishicha, 2016 yil dekabrda O‘zbekiston Respublikasi Prezidenti lavozimiga saylanganidan so‘ng Shavkat Mirziyoyev mamlakat hayotining barcha jabhasini qamrab olgan tub islohotlarni boshladi. Mazkur jarayonni yagona tizimga solgan hujjat sifatida 2017 — 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi qayd etiladi.

“Shavkat Mirziyoyev boshchiligida mamlakat eski siyosiy trayektoriyadan uzoqlashib, mutlaqo yangi jarayonni boshdan kechirmoqda. Xususan, iqtisodiy sohada respublika xorijiy sarmoyalarni jalb qilish uchun qator muhim qarorlarni qabul qildi, ular orasida xorijiy valyuta harakati ustidan nazoratni yengillashtirish alohida o‘rin tutdi. Natijada qisqa muddatda ichki hamda tashqi savdo hajmi ortdi, o‘zbek ishbilarmonlari va kompaniyalari milliardlab dollarlik shartnoma hamda bitimlarni imzoladilar”, deyiladi materialda.

Siyosiy jabhada amalga oshirilgan o‘zgarishlar haqida so‘z ketganda, muallif sud tizimi mustaqilligining mustahkamlanishi, xavfsizlik organlari faoliyatining tartibga keltirilishi, fuqarolar huquqlari himoyasining ortishini alohida ta’kidlaydi.

Ilgari xalqaro tashkilotlarning tavsiya va takliflarini “ichki ishlarga aralashuv” sifatida baholab kelgan O‘zbekiston “Human Rights Watch” instituti hamda Birlashgan Millatlar Tashkilotining Inson huquqlari bo‘yicha oliy komissari bilan munosabatlarda ochiqlik namoyon etayotganiga yuqori baho beradi.

“Tashqi siyosatda Shavkat Mirziyoyev ma’muriyati Markaziy Osiyoni o‘zining ustuvor yo‘nalishi sifatida belgilab oldi. Buning natijasi o‘laroq, chorak asrlik tortishuv va bo‘linishlardan so‘ng o‘tgan ikki yil mintaqaning besh davlati o‘rtasidagi aloqalarning misli ko‘rilmagan faollashuvi davri bo‘ldi. Shuningdek, O‘zbekistonning qo‘shni mamlakatlar bilan transport hamda infratuzilma sohasidagi hamkorligi ham yangi o‘sish sur’atini ko‘rsatdi”, deb yozadi Ilan Berman.

Tashqi siyosiy jabhada O‘zbekiston rahbariyati uzoq muddatga mo‘ljallangan ulkan rejalarni ko‘zlayotganini bildirarkan, mutaxassis “Shavkat Mirziyoyev amalga oshirayotgan o‘zgarishlar nafaqat mamlakat ichida, balki xalqaro maydonda ham qo‘llab-quvvatlanmoqda”, deb ta’kidlaydi. Shu ma’noda, tahlilchi o‘tgan yili Samarqandda Birlashgan Millatlar Tashkiloti shafeligida Markaziy Osiyo, bu yil esa Toshkentda Afg‘oniston bo‘yicha yirik xalqaro konferensiyalar tashkil qilinganini eslatib o‘tadi.

“O‘zbekiston Prezidentining Amerika Qo‘shma Shtatlariga yaqinda amalga oshirgan rasmiy tashrifi ushbu yo‘nalishdagi sa’y-harakatlarning mantiqiy davomi bo‘ldi. Ushbu tashrif Shavkat Mirziyoyevga o‘z mamlakati kelajagiga qarashini dunyo bilan bo‘lishish, sarmoyalar jalb etish va davlatning xalqaro obro‘sini orttirish uchun imkoniyat yaratdi”, deydi “American Foreign Policy Council” vitse-prezidenti.

Muallifning fikricha, o‘z navbatida, Donald Tramp ma’muriyati O‘zbekistonga alohida e’tibor bilan qaramoqda. Bu Vashington O‘zbekistondagi o‘zgarishlarni haqiqiy hamda barqaror bilib, ularning qanchalik ulkan ahamiyatga ega ekanligini yaxshi anglashi va qo‘llab-quvvatlashini ifodalaydi.

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    1421
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Умиджон.Хайдаров Ширин.ш. O‘zlidep аъзоси2018-05-29 14:43:04

“Шавкат Мирзиёев амалга ошираётган ўзгаришлари нафақат мамлакат ичида, балки халқаро майдонда ҳам қўллаб-қувватланмоқда”. Мухтарам Юртбошимиз Ш.М.Мирзиёев нафақат юртимизда балки жахонда обрў-эътибор ортирган ҳамда одилона сиёсатчи дипломат Президент деб биламан. Мухтарам президентимизнинг бундай юксак ишларига жавобан Ўзбекистон қахрамони юксак унвонни берилишини тавсия этаман ва қўллаб-қуватлайман.


Сергели тумани А.Мақсудов2018-05-28 17:56:32

“Шавкат Мирзиёев бошчилигида мамлакат эски сиёсий траекториядан узоқлашиб, мутлақо янги жараённи бошдан кечирмоқда. Хусусан, иқтисодий соҳада республика хорижий сармояларни жалб қилиш учун қатор муҳим қарорларни қабул қилди, улар орасида хорижий валюта ҳаракати устидан назоратни енгиллаштириш алоҳида ўрин тутади. Сиёсий жабҳада амалга оширилган ўзгаришлар ҳақида сўз кетганда, муаллиф суд тизими мустақиллигининг мустаҳкамланиши, хавфсизлик органлари фаолиятининг тартибга келтирилиши, фуқаролар ҳуқуқлари ҳимоясининг ортишини алоҳида таъкидлайди.


Матлуба Жўраева Сурхондарё вилоят Кенгаши "Аёллар қаноти" бўлим мудири 2018-05-28 16:47:50

Хакикатдан ҳам, бугун юртимизда барча соҳаларда кенг кўламли ишлар олиб борилмоқда. Юртбошимизнинг одилона сиёсати орқали бошқа давлатларнинг Ўзбекистонга хурмати янада ортиб хамкорлигимиз кучайиб бормоқда.


Суннатилло Умиров2018-05-28 11:06:50

Бугунги кунда АҚШ, Россия, Хитой каби давлатлар узаро рақобатлашаётган бир даврда бу учала давлат билан депломатик алоқаларни яхшилаш ва ривожлантириш ҳар бир давлат олдида турган энг асосий вазифадир. Ўзбекистон учун АҚШ ва Россия қай бири кўпроқ муҳимроқ диган савол бугун кўпчиликни ўйлантирмоқда. Дунё давлатлари депломатиясида қай бири муҳим деган нарса бўлмайди балким барчаси муҳим. Қай бири кўпроқ мамлакат учун фойда келтиради шунга қаралишиши назарда тутилса. Президентимиз Андижонга сафари давомида "Бизга АҚШ технолгияси зарур, АҚШ теҳнологияси бор жойда ҳисоб- китоб жойида бўлади" деган сўзларида жуда катта маъно- мазмун яширин эканлигини англашимиз мумкин. Бугун биз маҳсулот етиштиришни, экспорт қилишни ўрганаётган бир даврда, бир сўз билан айтганда Биз янги ривожланиш йўлининг бошидамиз бизга АҚШ технология зарур.


Dilshod Gafurov Raximberganovich Xorazm viloyati tashkiliy-partiyaviy ishlar bo'limi-bosh konsultanti2018-05-28 09:58:37

Muhtaram Prezidentimizning amalga oshirayotgan oqilona va dono siyosati dunyoning rivojlangan davlatlari tomonidan tan olinmoqda. Yurtboshimizning yurtimiz taraqqiyoti va rivoji yo'lida amalga oshirayotgan ishlari bardavom bo'lsin!!!


Гавхарой Тухтасинова Бектемир тумани аппарат рахбари2018-05-27 23:03:04

Узбекистон хеч качон хеч кимдан кам булмаган ва булмайди хам. Узбекистонни кучи кудратини бутун дунё тан олади.


Тошкент ш ЁШЛИК Т.Ш .Кенгаши "Хислат"БПТ аъзоси М.Комилов2018-05-27 02:51:24

Мана биз куриб турибмизки эндиликда мамлакат эски сиёсий траекториядан узоқлашиб, мутлақо янги жараённи бошдан кечирмоқда. Буни бутун дунё тан олмокда. Демак Узбекистон келажакдаги ютуклари мукаррардир


Тошкент ш ЁШЛИК Т.Ш .Кенгаши Тадбиркорлар муаммосини урганиш грухи аъзоси Акромов А.2018-05-27 02:45:44

Юртимизда олиб борилаётга сиёсатни кай даражада тугри йуналишда эканини чет давлатлардан кириб келаётган инвестициялардан хам билса булади.Улар давлатимиз киёфасида узига муносиб хамкорларни куришмокда.Президентимиз хар тамонлама мукаммал ва узокни уйлаб ишлаб чикилган харакатлар стратегиясини дунё аналитиклари чукур анализ килиб унинг нечоглик тугрилигини эътироф этмокдалар.


Тошкент ш ЁШЛИК Т.Ш .Кенгаши аъзоси Шухратов Ф2018-05-27 02:36:42

Узбекистон олиб бораётган бу жадал сиёсатни хозирда бутун жахон катта кизикиш билан кузатиб бормокда.Юртбошимиз бошчилигида иқтисодий соҳада республика хорижий сармояларни жалб қилиш, сиёсий жабҳада суд тизими мустақиллигининг мустаҳкамланиши, хавфсизлик органлари фаолиятининг тартибга келтирилиши, фуқаролар ҳуқуқлари ҳимоясининг ортишини алоҳида таъкидлаш мумкин.


O‘zlidep Qumqo‘rg‘on tuman Kengashi Kelajak deputatlari guruhi a‘zosi Jo‘rabek Mengnorov2018-05-25 21:56:56

“Ўзбекистон Президентининг Америка Қўшма Штатларига яқинда амалга оширган расмий ташрифи ушбу йўналишдаги саъй-ҳаракатларнинг мантиқий давоми бўлди. Ушбу ташриф Шавкат Мирзиёевга ўз мамлакати келажагига қарашини дунё билан бўлишиш, сармоялар жалб этиш ва давлатнинг халқаро обрўсини орттириш учун имконият яратди”, дейди “American Foreign Policy Council” вице-президенти.


Fikringizni qoldiring

+