Si Szinpin Shavkat Mirziyoyevga minnatdorlik maktubi yo‘lladi
23.10.2018, 09:32
Oʻzbekiston Respublikasi Prezidenti
Shavkat Mirziyoyev Janobi Oliylariga
Muhtaram Prezident janoblari!
Xitoy Xalq Respublikasi tashkil topganining 69 yilligi munosabati bilan yoʻllagan samimiy tabrigingiz uchun Sizga chuqur minnatdorlik bildirishga ijozat bergaysiz.
Joriy yil boshidan Xitoy va Oʻzbekiston oʻrtasidagi har tomonlama strategik sheriklik munosabatlarida ijobiy tendensiya davom etib,oʻzaro siyosiy ishonch muttasil mustahkamlanib bormoqda. “Bir makon, bir yoʻl” tashabbusini birgalikda roʻyobga chiqarishda yangi muvaffaqiyatlarga erishildi, xalqlarimiz oʻrtasidagi oʻzaro anglashuv va doʻstlik izchil mustahkamlanmoqda. Siz bilan Sindao shahrida SHHT sammiti doirasidagi uchrashuvimizni tez-tez eslayman, ushbu uchrashuvdan soʻng ikki tomonlama munosabatlarni rivojlantirish boʻyicha biz qabul qilgan yangi rejalar bosqichma-bosqich hayotga tatbiq etilmoqda.
Men Xitoy – Oʻzbekiston aloqalarini rivojlantirishga alohida eʼtibor qarataman, oʻrtamizda shakllangan amaliy munosabatlar va shaxsiy doʻstlikni yuksak qadrlayman. Xitoy va Oʻzbekiston oʻrtasidagi har tomonlama strategik sheriklik munosabatlarini mamlakatlarimiz va xalqlarimiz farovonligi yoʻlida izchil rivojlantirishni ragʻbatlantirish maqsadida bundan buyon ham Siz bilan yaqindan hamkorlikni davom ettirishga umid qilaman.
Sizga mustahkam sogʻlik, baxt-saodat, Oʻzbekiston xalqi farovonligi yoʻlidagi olijanob faoliyatingizda ulkan muvaffaqiyatlartilayman.
Fikringizni qoldiring
O'xshash yangiliklar
-
O‘zbekiston Respublikasi Prezidenti Shavkat Mirziyoyevning Korrupsiyaga qarshi kurashish sohasida yuksak xalqaro mukofotni topshirish marosimidagi nutqi
20.12.2023, 15:39
-
O‘zbekiston Prezidenti iqlim sohasidagi global kun tartibi doirasida qator muhim tashabbuslarni ilgari surdi
04.12.2023, 10:21
-
O‘zbekiston Prezidenti Turkiy davlatlar tashkiloti sammitida muhim tashabbuslarni ilgari surdi
06.11.2023, 10:30
-
“Yashil ipak yo‘li”ni barpo etish yo‘lidagi muhim tashabbuslar va samarali muloqotlar
20.10.2023, 10:04
-
O‘zbekiston Prezidenti BMT Bosh Assambleyasining 78-sessiyasida nutq so‘zladi
21.09.2023, 09:50
Bildirilgan fikrlar
Самидилло Сайидович Махмудов2018-10-23 10:17:10
"КЎП ВЕКТОРЛИК" СИЁСАТ АЛБАТТА ЎЗИНИНГ ИЖОБИЙ НАТИЖАСИНИ БЕРАДИ!