Davlat organlari va tashkilotlarining axborot xizmatlari sifat jihatdan yangi bosqichga ko‘tariladi

28.06.2019, 16:57

Elmurod Panjiyev
Elmurod Panjiyev

O‘zLiDeP Siyosiy Kengashi Ijroiya qo‘mitasi matbuot xizmati rahbari

Bugungi ayni globallashuv zamonida dunyoda, yon-atrofimizda ro‘y berayotgan voqea-hodisalarni chuqur idrok etish, ularning tub mohiyatiga yetib borish uchun avvalo har birimizda ma’naviy immunitet asosida shakllangan mustaqil fikr bo‘lishi davr talabidir. Sababi, turli g‘oya va manfaatlar kurashi tobora kuchayib borayotgan hozirgi vaziyatda yolg‘onni rost, rostni yolg‘on, deb ko‘rsatishga urinish, turli soxta ma’lumotlarni tarqatish tobora avj olayapti. Mana shunday sharoitda ommaviy axborot vositalarining roli va mas’uliyati har qachongidan ham muhim o‘rin tutadi desak mubolag‘a bo‘lmaydi.

Mamlakatimizda keyingi ikki yilda OAV rivoji hamda media-soha xodimlari malakasini oshirish bo‘yicha qilinayotgan ishlar amaliy va natijadorligi bilan ahamiyatga loyiqdir. Shu ma’noda Prezidentimizning “Ommaviy axborot vositalari mustaqilligini ta’minlash hamda davlat organlari va tashkilotlari axborot xizmatlari faoliyatini rivojlantirish bo‘yicha qo‘shimcha chora-tadbirlar to‘g‘risida” qarorining qabul qilinishi  avvalo soha rivoji  uchun mustahkam huquqiy zamin yaratibgina qolmay vazirlik va idoralarning axborot xizmatlari faoliyatini yanada jonlantirishga, ta’bir joiz bo‘lsa, ularning faoliyatini tubdan takomillashtirishga xizmat qiladi.

Qarorning ahamiyatli jihati shundaki unda vazirlik va idoralardagi axborot xizmati vakillarining malakasini oshirish bo‘yicha aniq va manzilli ishlarni amalga oshirishga alohida urug‘ berilgan. Bu birinchi navbatda ularning sohaga doir zamonaviy bilim va malakalarini oshirishga olib keladi. Malaka oshirish kurslarida tahsil olgan davlat organlari va tashkilotlaridagi axborot xizmatlari xodimlari ko‘tarilgan masalaga tashkilot nomidan to‘g‘ri, xolis va asosli munosabat bildirish bo‘yicha ko‘nikmaga ega bo‘ladi. Bu esa norasmiy, biryoqlama va asoslanmagan axborotlar, turli ko‘rinishdagi tushunmovchiliklar kelib chiqishining oldini oladi. Pirovardida, aholining davlat organlari faoliyatiga nisbatan ishonchi ortadi.

Bilamiz, qaysi soha bo‘lmasin uning rivojida xalqaro tajriba muhim o‘ringa egadir. Bu tamoyil OAVga ham tegishli albatta. Chunki bugun zamon shiddat bilan rivojlanayapti. OAV sohasiga ham yildan-yilga yangi texnologiyalar, turli zamonaviy usullar va yo‘nalishlar kirib kelayapti. Ularni o‘rganish esa OAV sohasida xorij mamlakatlari bilan aloqalarni mustahkamlashni talab etadi. Qarorda ushbu jihatga alohida e’tibor qaratilgani e’tiborga molik. Ya’ni unga ko‘ra endilikda davlat organlari va tashkilotlari axborot xizmatlari xodimlarini tajriba orttirish va xorijiy mamlakatlarning tegishli tashkilotlari faoliyati bilan yaqindan tanishish, shuningdek, ularni axborot jihatdan ta’minlash uchun safar qiluvchi delegatsiyalar tarkibiga kiritish nazarda tutilmoqda. O‘zaro tajriba almashish esa jurnalistlarning bilim va dunyoqarashini yanada kengaytiradi.

Umuman olganda, qaror bilan ommaviy axborot vositalarining faoliyati uchun maksimal darajada qulay sharoitlar yaratilayotganligi davlat va jamiyat o‘rtasida sifatli muloqotni yo‘lga qo‘yish, aholiga mamlakatimizda olib borilayotgan hayotiy va xalqchil islohotlarning maqsadi, vazifalari va natijalari haqida tezkor, xolis va to‘liq axborot yetkazish, davlat va xo‘jalik boshqaruvi organlari, mahalliy davlat hokimiyati organlari faoliyati shaffofligini oshirish, shuningdek, ularning jamoatchilik bilan o‘zaro hamkorlik aloqalarini va axborot xizmatlari faoliyatining samaradorligini tubdan yaxshilashga xizmat qiladi.

Elmurod Panjiyev

O‘zLiDeP Siyosiy Kengashi

Ijroiya qo‘mitasi

matbuot xizmati rahbari


  • Ko'rildi
    241
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Сафаров Фаррух Қарши шаҳар2018-06-05 16:12:11

Мухтарам Президентимиз томонидан қабул қилинган "Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида”ги қарори орқали энди барчаси одилона ва адолатли бўлади. Бундан хурсандмиз ва қўллаб-қувватлаймиз.


Фаррух Сафаров O’zLiDeP Қарши шаҳар кенгаши раис ўринбосари2018-06-04 12:04:36

Муҳтарам Президентимизнинг “Низоларнинг олдини олишга қаратилган институт сифатида нотариат тизимини янада такомиллаштириш чора-тадбирлари тўғрисида”ги қарори нотариат тизимини тартибга солиш, қонун устуворлигини таъминлаш, фуқароларнинг ҳақ-ҳуқуқларини ҳимоя қилишда дастуриламал бўлиб хизмат қилади. Ўтган даврда айрим нотариуслар томонидан қлинган қинғирликлар, қонунбузарликлариюзлаб кишиларни юрак касал қилди. Адолат устувор давлатдагина тараққиёт ва фаровонлик бўлиши аниқ. Ишонаманки, энди барча нотариуслар зиммаларидаги вазифаларни масъулият сезган ҳолда амалга оширадилар.


Зайнутдинова Дилбар Юсуповна O'zLiDeP Юнусобод туман Кенгаши раисининг биринчи ўринбосари-аппарат раҳбари2018-06-01 15:59:38

Ўзбекистон Республикаси Марказий банки тижорат банклари билан биргаликда бир ой муддатда барча нотариал идораларни уларда белгиланган иш вақтига мувофиқ фаолият кўрсатувчи махсус кассалар, шунингдек, махсус кассаларни банк пластик карточкаларидан тўловни қабул қилиш бўйича ҳисоб терминаллари билан таъминланиши фуқаролар учун қулай шарт шароит яратиб, ушбу институт фаолияти янада такомиллашади.


O`zLiDeP Томди туман бўлими аппарат рахбари М.Абдазимов2018-06-01 15:05:48

Президентимизнинг мазкур қарори жисмоний ва юридик шахслар ўртасида тузиладиган ҳар қандай хужжатларни қонуний асосларга эга бўлишини, инсон ҳуқуқ ва манфаатлари муҳофазасини янада кучайтирилишини таъминлайди.


Азамат Холиков O'zLiDeP Тўрткўл туман Кенгаши ижрочи котиби2018-05-31 16:41:02

Қабул қилинган ушбу қарор нотариат тизимидаги мавжуд муаммоларни бартараф этишга ва соҳани янада ривожлантиришга, шунингдек фуқароларнинг ҳуқуқ ва манфаатини ҳимоя қилишга хизмат қилади.


Элмуродов Фарход Бойманович-Кашкадарё вилоят Чироқчи туман кенгаши2018-05-30 16:16:06

Ушбу қарор асосида бўш турган нотариус лавозимлари малакали кадрлар билан ўз вақтида тўлдирилади.


O‘zLiDeP Косон тумани "Ривож текцтил" БПТ раиси Л.Қурбонова2018-05-30 10:59:26

Нотариал институтига қаратилаётган эътибор жисмоний ва юридик шахслар ўртасида тузиладиган ҳар қандай битим ва шартноманинг қонуний асосларга эга бўлишига, юридик жиҳатдан мустаҳкамланишига, шунингдек, мамлакатимизда инсон ҳуқуқ ва манфаатлари муҳофазасини янада кучайтиришни таъминлайди.


O‘zLiDeP Каттақўрғон туман Кенгаши ижрочи котиби А.Шобеков2018-05-30 10:27:26

Жуда яхши Қарор қабул қилинибди. Ушбу сохани ислох эитишни давом эттириш керак масалан банкдан кредит олганда шартномани расмийлаштириш учун туланадиган туловни 10 баровар камайтирилса яхши буларди


O’zLiDeP Жиззах вилоят Кенгаши Олим Норжигитов2018-05-29 19:04:56

Президентимизнинг мазкур қарори соҳани янада такомиллаштирилишини, ушбу институт ишлаш тизими халққа яқин ва замон билан ҳамнафас бўлишини, жисмоний ва юридик шахслар ўртасида тузиладиган ҳар қандай битим ва шартноманинг қонуний асосларга эга бўлишини, инсон ҳуқуқ ва манфаатлари муҳофазасини янада кучайтирилишини таъминлайди.


O'zLiDeP Сайхунобод туман Кенгаши "Гўзал" хусусий корхонаси БПТ раиси С. Асатуллаева2018-05-29 17:57:30

Ортиқча вақтлар йўқотилишига йўл қўйилмайди. Биз тадбиркорлар учун яна бир янгилик бўлди.


Fikringizni qoldiring

+