Prezidentimizning viloyatlarga safarlari hamisha ulkan yangilanishlarni boshlab berishini yana bir bor yurak-yurakdan his qildik

01.08.2019, 10:50

Ulug‘bek Sotiboldiyev
Ulug‘bek Sotiboldiyev

O‘zLiDeP Sirdaryo viloyat kengashi raisi, “Bek klaster” MChJ shaklidagi qo‘shma korxonasi rahbari

Davlatimiz rahbarining viloyatlarga tashrifi hamisha ulkan yangilanishlarni boshlab beradi. Bunday tashriflar natijasida xalq farovonligini yuksaltirish, iqtisodiyotni rivojlantirish, madaniy-ma’rifiy hayotni boyitish, shaharu qishloqlar qiyofasini o‘zgartirishga xizmat qiladigan yirik loyihalarni hayotga tatbiq etishdek ezgu g‘oyalarning amaliyotga tatbiqini sirdaryoliklar katta mamnuniyat bilan kutib olishdi.

Prezidentimiz Shavkat Mirziyoyev bunyodkorlik ishlari, ijtimoiy-iqtisodiy islohotlarning borishi bilan tanishish maqsadida 18 iyul kuni Sirdaryo viloyatining Xovos tumaniga tashrif buyurdi.

Xovos shaharchasida bugungi kunda 27 mingdan ziyod aholi istiqomat qiladi. Oxirgi ellik yil davomida birorta ham ko‘p qavatli uylar qurilmagan.  Aholi eski, tor va zax uylarda yashab kelgani ayni haqiqat. Prezidentimizning topshirig‘iga asosan ayni paytda  maxsus hududda 30 ta ko‘p qavatli, 760 ta kvartira va 150 ta bir qavatli uy bunyod etilmoqda. Hech shubha yo‘q-ki, zamonaviy infratuzilmaga ega yangi turar - joylar aholining ijtimoiy sharoitini yaxshilab, xalq farovonligini, hayot sifat darajasini oshirishga xizmat qiladi.

Bundan tashqari hududda mahalliy hokimiyat va boshqaruv organlari binolari, davlat xizmatlari markazi, tijorat banklari, maktab, istirohat bog‘i, xotira maydoni, kinoteatr, kutubxona, masjid, bozor, savdo va maishiy xizmat shaxobchalari qurilishi ham jadallik bilan olib borilmoqda.

Prezidentimiz yangi ish o‘rinlari yaratish masalasiga ham alohida e’tibor qaratdi. Yangi uylarga ko‘chib o‘tadigan yurtdoshlarimizning doimiy daromad manbaiga ega bo‘lishlari uchun biznes va kichik biznes sub’ektlari faoliyatini yo‘lga qo‘yish lozimligi ham ta’kidlandi.

2020 yil boshida viloyat aholisining ichimlik suvi bilan ta’minlanishi 88 foizdan oshishi, hududda parrandachilik, bog‘dorchilik, sabzavotchilik va polizchilikni rivojlantirish evaziga minglab ish o‘rinlari yaratilishi kutilmoqda.

Davlatmiz rahbari tashrifi doirasida bizning “Bek klaster” korxonamizga qarashli “Saxovat” fermer xo‘jaligi dalasida bo‘lib g‘o‘za rivojini ko‘zdan kechirdi. Xo‘jaligimizga qarashli 150 gektar yerning har qarichidan unumli foydalanib, paxta, g‘alla va chorva uchun ekin ekilgandi. G‘alladan  gektaridan 65 sentnerdan hosil olinib, 314 million so‘mdan ziyod sof foyda ko‘rildi. G‘alladan bo‘shagan maydonga eksportbop dukkakli ekinlar ekildi va eksportyor korxonalarga 30 tonna dukkakli mahsulot yetkazib berish bo‘yicha shartnoma imzolandi.  Hozirda  50 gektar maydondagi g‘o‘za nihollari agrotexnik talablar asosida parvarish qilinmoqda.

-Dalaga chiqishdan maqsad nima o‘zi? Daromad topish! Daromadni esa qo‘shimcha hosil ta’minlaydi. Shuning uchun terimgacha har bir tupga kamida beshtadan ko‘sak, gektariga besh sentnerdan paxta qo‘shishga harakat qilish kerak, - dedi Prezidentimiz biz bilan suhbatda. Bu ishonch va e’tibor kuchimizga kuch, g‘ayratimizga g‘ayrat qo‘shdi. Bu ishonchni oqlash maqsadida yanada g‘ayrat-shijoat bilan mehnat qilmoqdamiz.

Shu yerda viloyat tumanlari va sektorlar rahbarlari, nuroniylar, fermer va tadbirkorlar bilan uchrashuv bo‘lib o‘tdi. Unda qishloq xo‘jaligi va kichik biznesni rivojlantirish, aholi salomatligini mustahkamlash, jinoyatchilikning oldini olish borasida amalga oshirilayotgan ishlar haqida ham so‘z bordi.

Davlatimiz rahbarining viloyatlarga safarlari hamisha ulkan yangilanishlarni boshlab berishini yana bir bor yurak-yurakdan his qildik. Xalq farovonligini yuksaltirish, iqtisodiyotni rivojlantirish, madaniy-ma’rifiy hayotni boyitish, shaharu qishloqlar qiyofasini o‘zgartishiga xizmat qiladigan yirik loyihalarni hayotga tatbiq etishdek ezgu g‘oyalarning amaliyotga tatbiqini sirdaryoliklar mamnuniyat bilan qabul qilishmoqda.                             


  • Ko'rildi
    239
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Тошлок тумани "Сирожиддин Хасанбой Умид ери" ф/х БПТ аъзолари2018-06-07 11:56:03

Президентимизнинг “Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарори келажакда давлатимиз қишлоқ хўжалигининг тезкор ривожланишига ва мамлакат озиқ-овқат хавфсизлигини таъминлаш имкони беришига ишонамиз


Эшмаматов Мансур ЎзЛиДеП Қизириқ туман Кенгаши депутати2018-06-07 10:25:50

Мазкур қарор орқали қишлоқ хўжалиги сохасидаги ишлар янада осонлашиб кўзда тутилган режалар ошиғи билан бажарилади.


Жумаев Илхом Қизириқ туман Кенгаши ижрочи котиби2018-06-07 10:24:58

Қарорда кўзда тутилган асосий эътибор бу ЯТТлар фаолияти ва ахолини иш билан таъминлашдир.


Дўсмуродов Хусан Қизириқ туман Кенгаши аппарат раҳбари2018-06-07 10:21:07

Бу қарор орқали қишлоқ хўжалиги сохасини янада ислох қилиш ва давлат солиқ тушумларини оширилиши, ЯТТ лар самарадорлиги хам кўзда тутилган.


Бердикулова Момасулув Уроловна O'zLiDeP Чирокчи туман Кенгаши раиси2018-06-05 17:53:13

Ушбу карорга асосан 2018 йил 1 июлдан якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилганлиги тадбиркорлар учун катта имконият булди.


Сафаров Фаррух Қарши шаҳар2018-06-05 16:08:20

Ушбу қарор миришкор деҳқонларимиз ва тадбиркорларимизнинг кўплаб машаққатли меҳнатларида кўмак берди. Энди хосилларимиз ва махсулотларимиз ўз вақтида сифатли етиштирилади ва йиғиб олинади. Биз бундан жуда хурсандмиз.


Д.Рахманова-УзЛиДеП Сурхондарё вилояти Кенгаши 2018-06-04 18:27:15

Мазкур қарор ҳам якка тартибдаги тадбиркорларга ҳам фермер хўжалиги. томорқа ер эгаларига қулайликлар яратди. Бунда тадбиркорларимизнинг хизмат кўрссатиш фаолиятини кенгайтирса, деҳқонларимизнинг иш унумдорлигига катта ҳисса қўшади. Ҳақиқатдан ҳам биз партия пфаоллари мазкур қарорнинг мазмун-моҳиятини электоратларимизга етказишимиз зарур


Абдурахмонов Азамат Остонақулович Сурхондарё вилояти Ташкилий-партиявий ишлар бўлими мудири2018-06-04 16:14:18

“Қишлоқ хўжалиги маҳсулотлари ишлаб чиқарувчиларга механизация ва сервис хизматларини кўрсатиш самарадорлигини ошириш бўйича қўшимча чора-тадбирлар тўғрисида”ги қарорида якка тартибдаги тадбиркорларга қишлоқ хўжалиги маҳсулотларини ишлаб чиқарувчиларга механизация ва сервис хизматлари кўрсатиш фаолиятини амалга оширишга рухсат берилиши бу-қишлоқ жойларда ҳам ЯТТларнинг ривожланиши орқали солиқларнинг тшуми яхшиланади. Жараёнда, ҳудудларнинг ижтимоий-иқтисодий ривожланишида қишлоқ ҳўжалиги соҳасининг иштироки яхшиланади.


Миришкор туман Гулистон мх БПТ раиси Рўзиева Жамила2018-06-04 08:29:48

Тадбиркорлар яратиб берилаётган имкониятлардан унумли фойдаланиши керак


У.Боймуродов O'zLiDeP Косон туман Кенгаши аппарат раҳбари2018-06-01 18:21:38

Республикамизда қишлоқ хўжалигида олиб борилаётган самарали ишлар фермерларимиз ва шахсий томорқа эгалари учун муҳим қарордир.


Fikringizni qoldiring

+