O‘zbekiston jahon hamjamiyatidan munosib o‘rin egallamoqda

22.08.2019, 11:14

Toir Salimov
Toir Salimov

Oliy Majlis Qonunchilik palatasidagi O‘zLiDeP fraksiyasining ijrochi kotibi

Mamlakatimiz tarixida o‘chmas sahifa ochgan buyuk istiqlol tufayli O‘zbekiston o‘tgan davr mobaynida jahon hamjamiyatidan munosib o‘rin egallab, barcha sohalarda dadil ilgarilab bormoqda.

Bugungi kunda yurtimizda tinchlik va barqarorlikni mustahkamlash, inson huquqlari, erkinliklari va manfaatlarini ta’minlash, Vatanimizni har tomonlama taraqqiy ettirish, uning xalqaro maydondagi obro‘-e’tiborini yuksaltirish borasida keng ko‘lamli islohotlar amalga oshirilmoqda.

Aholining hayot darajasi va sifatini yaxshilash, tadbirkorlik va xususiy mulk rivojiga keng imkoniyat ochib berish, yoshlar, xotin-qizlar, keksa avlod vakillari, ijtimoiy himoyaga muhtoj insonlarga doimiy e’tibor va g‘amxo‘rlik ko‘rsatish kabi ezgu amallar Tadbirkorlar va ishbilarmonlar harakati – O‘zbekiston Liberal-demokratik partiyasi dasturida o‘z aksini topgan.

Bunday ijobiy natijalar nafaqat mamlakatimiz, balki xalqaro jamoatchilik tomonidan ham e’tirof etilmoqda. Birgina misol, kuni kecha AQShning O‘zbekistondagi Favqulodda va muxtor elchisi Deniyel Rozenblyumning e’tirof etishicha, O‘zbekiston o‘zining ijtimoiy-siyosiy islohotlar dasturida, xususan iqtisodiy sohada muhim natijalarni qo‘lga kiritdi, ommaviy axborot vositalari erkinligi, mehnat huquqlari va sud-huquq sohasida jiddiy yutuqlarga erishdi. Pul-kredit siyosati, soliq siyosati va biznesni tartibga solish shular jumlasidandir.

Har yili yurtimizda mustaqillik kuni o‘zgacha shodiyona bilan nishonlanadi. Bu yil xalqimiz uchun eng ulug‘, eng aziz ayyom, erkin, obod va farovon hayot qurish yo‘lidagi barcha yutuq va muvaffaqiyatlarimizning asosiy manbai bo‘lgan Vatanimiz mustaqilligining yigirma sakkiz yilligi “Jonajon O‘zbekistonim, mangu bo‘l omon!” shiori ostida keng nishonlanmoqda.

Oliy Majlis Qonunchilik palatasidagi O‘zLiDeP fraksiyasi a’zolari ham eng chekka hududlarga tashrif buyurib bayram oldidan joylarda mustaqillikning xalqimiz hayotida nechog‘lik ahamiyat kasb etishi, ortda qolgan yillar davomida qo‘lga kiritilgan yutuqlar, olib borilgan islohotlar sarhisobiga bag‘ishlangan turkum tadbirlarda ishtirok etmoqda.

Uchrashuvlarda, yurtimizda oxirgi yillarda siyosiy-ijtimoiy, iqtisodiy munosabatlarning mazmun-mohiyati, jamiyatimiz qiyofasi butunlay o‘zgargani, bu ijobiy o‘zgarishlar yurtdoshlarimiz hayotida o‘z ifodasini topayotgani, xalqimizning turmush darajasini, ongu tafakkuri, bilim va madaniyatini oshirish bo‘yicha qilingan ishlarni konkret dalil va misollar, chuqur ilmiy tahlillar orqali aholiga yetkazilmoqda.

Targ‘ibot tadbirlarida 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi, shuningdek, “Faol investitsiyalar va ijtimoiy rivojlanish yili” davlat dasturi, “Obod qishloq”, “Obod mahalla”, “Har bir oila – tadbirkor”, “Yoshlar – kelajagimiz”, “Besh ijobiy tashabbus” kabi muhim dastur va rejalar doirasida olib borilayotgan tub islohotlarning ma’no-mazmuni va ruhi mujassam etilishiga alohida e’tibor qaratilmoqda.

Xalq bilan bevosita uchrashuvlar davomida ushbu dasturlar doirasida erishilgan ulkan yutuqlarimiz va natijalarimiz bilan bir qatorda aholining mamlakatimizda bo‘layotgan o‘zgarishlarga befarq emasligi, keyingi yillarda yana nimalarga e’tibor qaratishimiz lozimligi borasida o‘z takliflari va fikrlarini bildirib o‘tishmoqda.

Xulosa o‘rnida ta’kidlash kerakki, bugun har bir yurtdoshlarimiz qalbida yurtimizning ulug‘ bayramiga o‘zining munosib hissasini qo‘shishga qaratilgan ezgu harakat bor desak to‘g‘ri bo‘lar edi va bunga kundalik hayotimizda ko‘plab guvoh bo‘lishimiz va ishonch hosil qilishimiz mumkin. Chunki, bizning oldimizga qo‘ygan maqsadlarimiz aniq, u ham bo‘lsa yurtimizda xalqimiz uchun porloq kelajak yaratish, xalqaro maydonda mavqeimizni yanada mustahkamlashga qaratilgan.


  • Ko'rildi
    2139
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Уразгалиева Нургул Сайыновна2018-09-16 23:16:15

Президентимиз Шавкат Мирзиёев ташаббуси билан ишлаб чиқилган "Тараққиёт" Республика курик танлови мамлакатимиздаги ёш кадрларга кенг имкониятлар эшиги очилади ва рахбарлик қобилиятига эга ёшлар Узбекистонни янада ривожланишига аянмай мехнат ва хизмат килади мен хам қатнашиб курмоқчиман.


O`zLiDeP Сурхондарё вилоят Кенгаши бизнес тузилмалар ва фермерлар билан ишлаш булими мудири Т.Абдуллаев2018-06-07 14:23:59

Президентимиз Шавкат Мирзиёев ташаббуси билан ишлаб чиқилган “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарорлари келажагимиз учун жуда катта ахамиятга эга қарор.


Сарвар Бекмуродов Депутатлик гуруҳлари билан ишлаш бўлим мудири2018-06-05 19:46:16

Президентимиз Шавкат Мирзиёев ташаббуси билан “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарори бу ёшлар учун ўз имкониятларини кенграқ намоён этиш бўйича яна бир очиқ танловдир.


Ойтуганов Абдуҳамид Термиз шаҳар кенгаши аппарат раҳбари 2018-06-05 18:27:09

Мамлакатимиздаги энг яхши кадрларни раҳбарлик лавозимларига тайинланишига,бу эса ўз навбатида Ўзбекистонни янада ривожланишига хизмат қилади.


Элмуродов Фарход Бойманович-Кашкадарё вилоят Чироқчи туман кенгаши2018-06-05 17:42:10

Академия ҳузурида мамлакатимизнинг истиқболли ёш мутахассисларини қайта тайёрлайдиган ва малакасини оширадиган Ёшлар муаммоларини ўрганиш ва истиқболли кадрларни тайёрлаш институти ташкил этилганлиги айни мудао бўлди.


Сафаров Фаррух Қарши шаҳар2018-06-05 16:04:28

Президентимиз Шавкат Мирзиёев ташаббуси билан ишлаб чиқилган “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарор жуда кўплаб иқтидорли ва раҳбарлик қобилиятига эга ёшлар учун имконият яратиб берди. Эндиликда кўплаб ташкилотлардаги раҳбарлар ёшлардан иборат бўлиши жуда яхши. Биз бу йўлда Президентимизни қўллаб-қувватлаймиз.


Хива туман Кенгаши ижрочи котиби Я.Хожаниязова2018-06-05 12:41:32

Муҳтарам, Президентимиз Шавкат Мирзиёев ташаббуси билан “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарори орқали мамлакатимиздаги кўпгина иқтидорли ёшларга кенг имкониятлар эшиги очилади.


Рахмонов Шухрат Узун туман Кенгаши аппарат рахбари2018-06-05 11:11:06

Жамиятни модернизация қилиш ва замонавий жамиятни барпо этиш билан боғлиқ мураккаб вазифаларни ҳал этишга қодир бўлган кадрларнинг янги авлодини тайёрлаш масаласи келгусида ҳам партия фаолиятининг энг муҳим вазифасидир.


Д.Рахманова-УзЛиДеП Сурхондарё вилояти Кенгаши 2018-06-04 18:29:13

мамлакатни модернизация қилиш ва замонавий жамиятни барпо этиш билан боғлиқ мураккаб вазифаларни ҳал этишга қодир бўлган кадрларнинг янги авлодини тайёрлаш масаласи партия фаолиятининг энг муҳим йўналишидир.


Абдурахмонов Азамат Остонақулович Сурхондарё вилояти Ташкилий-партиявий ишлар бўлими мудири2018-06-04 16:10:36

“Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида”ги қарори ёш кадрларни ўқитиш ва уларни тизимли равишда жой-жойига йўналтиришга асос бўлиб хазмат қилади.


Fikringizni qoldiring

+