– Davlatimiz rahbarining 8 mart – Xalqaro xotin-qizlar kuni munosabati bilan yo‘llagan tabrigi mamlakatning barcha ayollari kabi mening ham qalbimdagi yurtga daxldorlik, ona Vatanga muhabbat, xalq farovonligi uchun qayg‘urish singari ezgu va uyg‘oq tuyg‘ularni yanada to‘lqinlantirib yubordi.

Bugun tadbirkorlik qilaman degan xotin-qizlar uchun yaratilayotgan imkoniyatlar, ishbilarmonlik muhitida allaqachon o‘z o‘rniga ega bo‘lgan safdoshlarimiz uchun berilayotgan imtiyozlar bizni faqat va faqat ilg‘or bo‘lishga, yonib mehnat qilishga, yangiliklarga intilishga undayveradi.

Ayyom munosabati bilan azim poytaxtda tashkil qilingan bayram tantanasida andijonlik fidoyi, faol ayollar safida ishtirok etganim, Prezidentimizning e’tiborlari bilan yuksak mukofotga – “Do‘stlik” ordeniga sazovor bo‘lganim nafaqat mening, balki O‘zLiDePning jonkuyar xotin-qizlarining xizmatlari uchun berilgan yuqori bahodir.

Davlatimiz rahbari o‘z tabriklarida mamlakatimizda xotin-qizlar bandligini ta’minlash, mehnat sharoitlarini yaxshilash, ayniqsa, qishloq joylardagi yosh qizlarni oilaviy va xususiy tadbirkorlikka, hunarmandlikka keng jalb etishga alohida e’tibor qaratilayotganini g‘urur bilan tilga oldilar. Bu boradagi sa’y-harakatlar faol tadbirkorlikni rivojlantirish, ayollarning oiladan, farzand tarbiyasidan ajralmagan holda kasanachilik, tomorqachilik bilan shug‘ullanishi uchun zarur sharoit yaratayotgani quvonchli, albatta. Shu o‘rinda men ham mana shunday ezgu ishga o‘zimning munosib va kamtarona hissamni qo‘shayotganligimdan faxrlanaman.

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!