O‘zbek va Turkman tadbirkorlarining hamkorligi iqtisodiy salohiyatimizni yanada yuksaltiradi
26.04.2018, 09:46
To‘rabek NAZAROV
O‘zLiDeP Toshkent shahar Kengashi raisi, xalq deputatlari Toshkent shahar Kengashidagi partiya deputatlik guruhi rahbari
Prezidentimiz Shavkat Mirziyoyev taklifiga binoan Turkmaniston Prezidenti Gurbanguli Berdimuhamedov davlat tashrifi bilan mamlakatimizda bo‘ldi.
Oliy darajadagi uchrashuvda ko‘p qirrali O‘zbekiston – Turkmaniston munosabatlarini rivojlantirish va mustahkamlash masalalari, dolzarb mintaqaviy va xalqaro muammolar muhokama qilindi.
Muzokaralarda siyosiy, savdo-iqtisodiy, investitsiyaviy, transport- kommunikatsiya, ta’lim va sport sohalarida ikki tomonlama hamkorlikni yanada mustahkamlashga qaratilgan ko‘plab hujjatlar imzolandi. Xususan, hududlararo hamkorlikni rivojlantirish, savdo uylari ochish, ishbilarmonlar kengashi tashkil etish, shuningdek, transport, tranzit, qishloq xo‘jaligi, fan-texnika, kasaba uyushmalari, sport va boshqa sohalarga doir 17, oliy o‘quv yurtlari o‘rtasida va axborot-kommunikatsiya sohalarida esa 15 ta hujjat imzolandi.
Yana bir e’tiborli tomoni, davlatimiz rahbari tashabbusi bilan Ashxobod sayilgohining ochilishi hamda Toshkentning markaziy ko‘chalaridan biriga buyuk turkman shoiri Maxtumquli nomi berilishi ikki qardosh xalqni bir biriga yanada yaqinlashtirdi, do‘stlik rishtalarini yanada mustahkamladi.
Ta’kidlash kerak, Turkmaniston Prezidenti Gurbanguli Berdimuhamedov tashrifi va unda ko‘rib chiqilayotgan masalalar partiyamiz uchun ham nihoyatda dolzarb ahamiyat kasb etadi. Zero, tashqi iqtisodiy faoliyat sohasida Tadbirkorlar va ishbilarmonlar harakati – O‘zbekiston Liberal-demokratik partiyasi ham xalqaro iqtisodiy integratsiyalashuv va jahon bozorlarida mahalliy mahsulotlar ulushini kengaytirish uchun maqbul sharoitlarni yaratish tarafdori. Eksportni oshirish va milliy iqtisodiyotimiz raqobatbardoshligini ta’minlash iqtisodiy sohadagi dasturimizning eng muhim qismi hisoblanadi. Shu nuqtai nazardan biz ikki mamlakat o‘rtasidagi iqtisodiy va boshqa sohalardagi oliy darajadagi muzokaralarni qo‘llab-quvvatlaymiz. Negaki, bugungi kunda mamlakatlarimiz biznes hamjamiyatlari o‘rtasidagi izchil ishbilarmonlik aloqalari mustahkamlanib borayotgan hamkorlik doirasida tadbirkorlarga keng imkoniyatlar yaratilmoqda.
Muxtasar aytganda, O‘zbekiston-Turkmaniston o‘rtasidagi bu hamkorlik ikki qardosh xalqning istiqbolini yanada yuksak cho‘qqilarga olib chiqadi.
Bildirilgan fikrlar
O‘zLiDeP аъзоси Бахадирханова Нилуфар 2018-05-23 14:19:12
Туркманистон ва Ўзбекистон ўртасидаги яхши қўшничилик ва дўстлик алоқаларининг ўрнатилиши натижасида, ишбилармонлик муҳити яхшиланиб, бизнесни қўллаб-қуватлаш, кичик бизнес ва хусусий тадбиркорликни ҳуқуқий ҳимоя қилиш, мамлакат иқтисодиётининг инвестицион жозибадорлигини ошириш, эркин иқтисодий зоналарда инвесторлар учун шароитлар яратиш каби муҳим аҳамиятга эга ишларнинг амалга оширилишига ишонаман.
Бабаев Абулкосим бошлангич партия ташкилоти раиси. Тўрткўл тумани2018-05-15 14:09:56
Ушбу мустаҳкам пойдевор асосида биз бундан буён ҳам халқларимиз ўртасидаги анъанавий дўстлик ва қардошлик алоқаларини ривожлантирамиз ва мустаҳкамлаймиз.
насиба-СТМ, Нукус2018-05-15 11:48:07
Ўзбекистон-Туркманистон ўртасида имзоланган хар бир хужжат икки давлат ўртасида сиёсий, савдо иқтосодий, инвестициявий мухитни яхшилашга кўмак беради. Икки давлат тадбиркорлари учун яратилаётган катта имкониятдир.
Узоқжон Хамираев O’zLiDeP Пахтачи тумани Кенгаши аппарат рахбари2018-05-10 20:40:21
Туркманистон Президенти Гурбангули Бердимуҳамедов ташрифи хар икки давлат фуқароларини манфаатлари учун ва ўзаро борди келди муносабатларини янада ривожланишига катта йўл очиб берди. Икки давлат тадбиркорлари учун хам имкониятлар янада кўпайди бу дегани икки давлат иқтисоди сезилари даражада яхши томонга ўзгаради.
Тошкент шахар Шайхантахур туман Халк депутати Расулев Бобиржон Атхамович2018-05-04 19:09:40
Албатта кушни давлатлар билан маданий ва иктисодий аълокаларни яхшиланиши, хар биримиз учун кувонарли хол, лекин хусусан Туркманистон билан булган аълокаларнинг мустахкамланиши алохида эътиборга лойик. Чунки бизнинг Ватанимиз билан Туркманистон давлатининг таърихи, тили , урф одатлари жихатидан жуда хам бир бирига якин. Шундай экан бу аълокаларнинг яхшиланишидан, хар икки давлат хам, хар икки халк хам манфаатдор булиши аник.
М.Ҳамроев O’zLiDeP Қашқадарё вилоят кенгаши ташкилий-партиявий ишлар бўлими мудири2018-05-01 14:37:56
Ўзбекистон-Туркманистон ўртасидаги бу ҳамкорлик икки қардош халқнинг истиқболини янада юксак чўққиларга олиб чиқишига ишонаман.
Л.Тоғаев Тошлоқ тумани Кенгаши депутати2018-04-30 14:35:57
Туркманистон Президенти Гурбангули Бердимуҳамедов ташрифи ва унда кўриб чиқилаётган масалалар партиямиз учун ҳам ниҳоятда долзарб аҳамият касб этади. Зеро, ташқи иқтисодий фаолият соҳасида Тадбиркорлар ва ишбилармонлар ҳаракати – Ўзбекистон Либерал-демократик партияси ҳам халқаро иқтисодий интеграциялашув ва жаҳон бозорларида маҳаллий маҳсулотлар улушини кенгайтириш учун мақбул шароитларни яратиш тарафдори. Экспортни ошириш ва миллий иқтисодиётимиз рақобатбардошлигини таъминлаш иқтисодий соҳадаги дастуримизнинг энг муҳим қисми ҳисобланади.2 давлат чегаралари хамиша мустахкам бўлсин. Тадбиркорларимиз бизнесида катта ютуқларга бой бўлсин.