Buyuk tariximizga, ulug‘ mutafakkirlarimizga hurmat va e’tibor yanada ortadi

16.05.2018, 18:57

Buyuk tariximizga, ulug‘ mutafakkirlarimizga hurmat va e’tibor yanada ortadi

Keyingi yillarda mamlakatimizda xalqimiz, ayniqsa, yosh avlodning ma’naviy-intellektual salohiyati, ongu tafakkuri va dunyoqarashini yuksaltirish, ularning qalbida ona Vatanimiz hamda xalqimizga muhabbat va sadoqat tuyg‘usini kuchaytirish, barkamol shaxsni tarbiyalashda beqiyos ahamiyatga ega bo‘lgan kitobxonlik madaniyatini oshirishga alohida e’tibor qaratilmoqda. 

Prezidentimizning “Buyuk allomalar, adib va mutafakkirlarimiz ijodiy merosini keng o‘rganish va targ‘ib qilish maqsadida yoshlar o‘rtasida kitobxonlik tanlovlarini tashkil etish to‘g‘risida”gi qarori kitob, kitobxonlik madaniyatining jamiyat ma’naviy hayotidagi o‘rni va rolini oshirish borasidagi ishlarni yangi bosqichga ko‘taradi. Chunki mazkur qarorda buyuk adib va mutafakkirlarimizning nodir merosi, ibratli hayoti va ijtimoiy faoliyatini har tomonlama chuqur o‘rganish va targ‘ib etish, yoshlarimizni o‘zlikni anglash, milliy va umuminsoniy qadriyatlarga hurmat ruhida tarbiyalash, ular o‘rtasida kitobxonlik madaniyatini keng ommalashtirishga alohida e’tibor berilgan. Shu nuqtai nazardan qaror ijrosi doirasida yoshlar o‘rtasida “Yosh kitobxon” tanlovining o‘tkazilishi faol, kitobxon yigit-qizlar safini kengaytiradi. Davlatimiz rahbarining buyuk alloma, adib va mutafakkirlarimiz ijodiy merosini keng o‘rganish va targ‘ib qilish, yoshlarni milliy va umuminsoniy qadriyatlarga hurmat ruhida tarbiyalashga kuyunchaklik bilan yondashayotganida chuqur ma’no, ezgu maqsad mujassam. Chunki kitob insonning ma’naviy quvvatini oshiruvchi buyuk kuch, insoniyatning tarixiy xotirasi, kelajak yo‘llarini yorqin ko‘rsatib berishga qodir mash’aladir.

Shuning uchun ham mamlakatimizda ilm olish, kitob yozish, ijod qilish millatning mavjudligi va u nimaga qodir ekanini ko‘rsatuvchi muqaddas tushunchalar hisoblanadi. Abu Ali ibn Sino, Abu Rayhon Beruniy, Jaloliddin Rumiy, Alisher Navoiy kabi yuzlab mutafakkirlarning shakllanishi, dunyoga tanilishi, zamonlar oshsa-da ahamiyati yo‘qolmaydigan tadqiqotu kashfiyotlari faqat va faqat kitob orqali yuz berdi. Bugungi avlodlar tomonidan ana shu olimlarning ilmiy-ma’rifiy bisotiga bot-bot murojaat qilinishining sababi ham ular tomonidan yaratilgan kitoblar tufaylidir.  Shunday ekan, endilikda mazkur hujjat ijrosini ta’minlash maqsadida partiya “Yoshlar qanoti” tomonidan ta’lim muassasalari, oliygohlarda, jamoat birlashmalarida yoshlar o‘rtasida kitobxonlik kechalarini, buyuk mutafakkirlar hayot va ijodiga bag‘ishlangan turli tadbirlar ko‘lamini yanada kengaytirishga alohida e’tibor qaratish lozim. Boshqacha aytganda, qarorda belgilangan vazifalar ijrosini ta’minlashda fidoyilik, ilg‘orlik ko‘rsatibgina qolmay, iqtidorli, salohiyatli va vaqtincha ishsiz yurgan yoshlarni kitobxonlikka jalb qilishda tashabbuskor bo‘lishimiz darkor. Bu borada, albatta, faollikni qo‘ldan bermaymiz.

Elyorbek NIYAZOV,

O‘zLiDeP Andijon viloyat Kengashi raisining

 yoshlar masalalari bo‘yicha o‘rinbosari

O‘zLiDePning Facebook va Instagramdagi rasmiy sahifasi hamda Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    6112
  • Chop etish
  • Do'stlar bilan ulashish
← Ro'yhatga o'tish

Bildirilgan fikrlar

Набижонова Оминахон O‘zLiDeP "Ёшлар иттифоқи"БПТ фаол аъзоси 2018-05-22 14:51:57

Юртбошимизнинг буюк аллома, адиб ва мутафаккирларимиз ижодий меросини кенг ўрганиш ва тарғиб қилиш, ёшларни миллий ва умуминсоний қадриятларга ҳурмат руҳида тарбиялашга ёндашади ва китоб ўсиб келаётган ёш авлодни маънавий қувватини оширувчи буюк кучдир.


O'zLiDeP Сайхунобод туман Кенгаши аппарат рахбари Исматуллаев Мухриддин 2018-05-21 16:15:43

Китоб инсонларни камолотга етакловчи беқиёс кучдир!


Шойимова Зарина Зарафшон шахар булими партия фаоли, ёш ижодкор2018-05-21 08:34:06

Албатта, китоб инсонга маьнавий озука бериш билан бирга, китобхонга яхши дуст ва беминнат маслахатчи хамдир. Ёшлар уртасидаги китобхонлик маданиятини ошириш, келажагимизнинг канчалик ёруг ва истикболли булишидан далолатдир.


Яшнобод туман Кенгаши2018-05-20 18:20:21

Ўзаро ҳамкорлик мамлакатимизда инвестицияларни янада кўпайишига олиб келади деб умид қиламиз


Жиззах вилояти Янгиобод тумани аппарат рахбари С.Бобоев2018-05-19 17:57:56

Ёшлар ўртасида “Ёш китобхон” танловининг ўтказилиш буюк адиб ва мутафаккирларимизнинг нодир мероси, ибратли ҳаёти ва ижтимоий фаолиятини ҳар томонлама чуқур ўрганиш ва тарғиб этишда, ёшларимизни ўзликни англаш, миллий ва умуминсоний қадриятларга ҳурмат руҳида тарбиялашда, китобхонлик маданиятини кенг оммалаштиришда катта ахамиятга эга.


Назаров Голибжон Хайруллаевич2018-05-17 15:28:15

Китоб укигандан емонлик чикмайди дешади Чункий китоб инсониниг маьнавий кувватини оширувчи буюк куч


Шоира Хасанова Жиззах вилояти Аёллар қаноти2018-05-17 13:21:54

Китоб ўқишдан тўхташ-фикрлашдан тўхташ демакдир, деган эди донишмандлардан бири. Маънавий юксалишга хизмат қиладиган, инсоннинг тафаккурини ўстирадиган буюк хазина-бу Китобдир.Президентимизнинг “Буюк алломалар, адиб ва мутафаккирларимиз ижодий меросини кенг ўрганиш ва тарғиб қилиш мақсадида ёшлар ўртасида китобхонлик танловларини ташкил этиш тўғрисида”ги қарори буюк маънавий инқилобдир, десак адашмаймиз


Олим Норжигитов Жиззах вилоят Кенгаши 2018-05-17 13:02:10

Президентимизнинг мазкур қарори китоб, китобхонлик маданиятининг жамият маънавий ҳаётидаги ўрни ва ролини ошириш борасидаги муҳим қарор ҳисобланади. Чунки, китоб бебаҳо бойлик – уни ўқиб ўрганиш эса олий бахтдир. Ёшлар ўртасида китобхонликни, буюк аллома, адиб ва мутафаккирларимиз ижодий меросини кенг ўрганиш ва тарғиб қилишда доимо фидоийлик билан меҳнат қиламиз.


Арслонбек Усманов, Жиззах вилояти 2018-05-17 12:51:58

"Ёш китобхон" танловининг ўтказилиши ёшларимизнинг билимли, маънавиятли, кенг фикрли бўлишида хизмат қилади. Ёшларимиз китоб ўқиса четдан келаётган турли хил маънавий тахдидларга қарши соғлом фикр билан жавоб берадиган, уларга қарши курашадиган бўлади.


Исомов Акрам Жиззах вилоят Кенгаши2018-05-17 11:49:59

Президентимизнинг “Буюк алломалар, адиб ва мутафаккирларимиз ижодий меросини кенг ўрганиш ва тарғиб қилиш мақсадида ёшлар ўртасида китобхонлик танловларини ташкил этиш тўғрисида”ги қарори буюк мутафаккир ва адибларимизнинг ижодларини ўрганишга хизмат қилади.


Fikringizni qoldiring

+