Haddan tashqari murakkab tizim soddalashtiriladi
21.06.2018, 18:44
Mamlakatimiz farmatsevtika bozorining investitsiyaviy jozibadorligini oshirish maqsadida joriy yilning 20 iyun kuni “Dori vositalarini davlat ro‘yxatidan o‘tkazish samaradorligini oshirish va aholini ular bilan ta’minlashni yaxshilash chora-tadbirlari to‘g‘risida”gi O‘zbekiston Respublikasi Prezidentining farmoni qabul qilindi.
Kuzatayotgan bo‘lsangiz, so‘nggi bir yarim yil mobaynida yurtimizda tibbiyot, xususan farmatsevtika tarmog‘iga jiddiy e’tibor qaratilayapti. Bu borada o‘tgan davr ichida o‘ndan ortiq normativ-huquqiy hujjatlar qabul qilindi. Bu albatta o‘zining ijobiy natijalarini berayapti. Lekin shunga qaramay bugun amaliyot ushbu soha rivojiga to‘siq bo‘layotgan tizimli muammolar borligini ko‘rsatmoqda. Xususan, dori vositalarini davlat ro‘yxatidan o‘tkazish tizimi haddan tashqari murakkabligicha qolmoqda, bu esa samarasiz dori vositalarining olib kirilishiga sabab bo‘lmoqda.
Mamlakatimiz rahbari tomonidan qabul qilingan ushbu hujjat ayni mana shu muammolarni bartaraf etilishida asos bo‘ladi.
Farmon bilan tanishar ekansiz, unda O‘zbekiston Respublikasi Sog‘liqni saqlash vazirligi hamda O‘zbekiston Respublikasi Prezidenti huzuridagi Loyiha boshqaruvi milliy agentligi kabi tegishli tashkilotlar zimmasiga vazifalar yuklangan. Xususan, ilg‘or xalqaro amaliyotni o‘rganish asosida bir oy muddatda asosiy kasalliklarning diagnostika va davolash standartlari, klinik protokollari qayta ko‘rib chiqilishini hamda har chorakda Ijtimoiy ahamiyatga ega dori vositalari va tibbiyot buyumlarining ro‘yxati qayta ko‘rib chiqilishini ta’minlash, bu borada tanqidiy o‘rganish o‘tkazish, dori vositalarining bojxona rasmiylashtiruviga, davlat ro‘yxatidan o‘tkazilishi va realizatsiya qilinishiga talablarni takomillashtirish, bu borada zarur chora-tadbirlarni amalga oshirish belgilangan.
Umuman olganda, mazkur farmon amalda dori vositalarini davlat ro‘yxatidan o‘tkazish tizimini soddalashtirish orqali uni yanada takomillashtirish imkonini beradi.
Axmad Toshmuhamedov,
Xalq deputatlari Olmazor tuman Kengashidagi
O‘zLiDeP deputatlik guruhi a’zosi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Бахтиёр Исмоилов O‘zLiDeP Ғиждувон туман ижрочи котиби2018-06-27 15:00:16
Фармацевтика сохасини тубдан ислох килиш буйича чикарилган керакли қарор деб ҳисоблаймиз. Дори воситаларини нархи назоратга олинса яхши иш бўлар эди.
O’zLiDeP Жиззах вилоят Кенгаши Олим Норжигитов2018-06-25 10:18:58
Президентимизнинг “Дори воситаларини давлат рўйхатидан ўтказиш самарадорлигини ошириш ва аҳолини улар билан таъминлашни яхшилаш чора-тадбирлари тўғрисида”ги фармони амалда дори воситаларини давлат рўйхатидан ўтказиш тизимини соддалаштириш орқали уни янада такомиллаштирилишини таъминлайди.
Т.Жумаев Когон шаҳар Кенгаши раис ўринбосари2018-06-25 08:44:50
Дори воситаларини давлат рўйхатидан ўтказилишини содалаштирилгани бу жуда яхши бўлди. Эндиликда олиб кириладиган дори-дармон воситалари тезкорликда ўз мижозларига етиб боради. Шу билан биргаликда юртимизга четдан кириб келадиган биологик актив қўшимчалар масаласига ҳам эътибор қаратилса эди мақсадга мувофиқ бўлар эди. Чунки уларга тиббиётимиз қандай таъриф беради, улар дори воситалари сифатида рўйхатдан ўтадими ёки қўшимча сифатидами ва уларнинг одам организимига ҳақиқий таъсир тўғрисида тиббий экспертлармиз томонидан аниқ таъриф берилмаган.
Даврон Темиров-O'zLiDePБўка туман Кенгаши ижрочи котиби2018-06-23 15:21:18
Жуда кўплаб ҳужжатлар қабул қилинишига қарамай,дори воситаларини давлат рўйхатидан ўтказиш тизими ҳаддан ташқари мураккаблигича қолмоқда.Ўзбекистон Республикаси Президентининг ушбу фармони бу соҳа ривожига тўсиқ бўлаётган муаммоларни бартараф этилишида асос бўлади.
Тошкент Ёшлик т.ш. Кенгаши Рахмонова С.2018-06-22 23:56:54
Хар бир сохада булганидек фармацефтика да хам купгина ислохатлар амалга оширилаяпти.Бунинг замирида халкимиз маънфати юртимиз равнаки ётибти.Бу каби замон талабига мос фармонларни жуда мамнуният билан карши оламиз.
Yazdon Toshonov O'zLiDeP Kattaqurg'on tuman Kengashi raisining birinchi o'rinbosari ,apparat rahbari.2018-06-22 22:18:56
фармацевтика сохасини тубдан ислох килиш буй нча чикарилган катор фармон ва карорлар,Давлатимиз рахбарининг бу сохага булган алохида этиборларидандир.
Xudayberdieva Mohidil Norboevna O‘zLiDeP Zarafshon shahar bo‘limi ijrochi kotibi2018-06-22 15:50:59
Ushbu farmonning qabul qilinishi aholi uchun zarur bo‘lgan dori-darmon vositalari bilan aholini o‘z vaqtida ta‘ninlashga hamda sifatsiz va qalbaki dori vositalarini sotilishini oldini olishga yordam beradi.
У.Боймуродов O'zLiDeP Косон туман Кенгаши аппарат раҳбари2018-06-22 11:09:39
“Дори воситаларини давлат рўйхатидан ўтказиш самарадорлигини ошириш ва аҳолини улар билан таъминлашни яхшилаш чора-тадбирлари тўғрисида”ги Ўзбекистон Республикаси Президентининг фармони юртимизда тиббиёт, хусусан фармацевтика тармоғига жиддий эътибор, мазкур фармон амалда дори воситаларини давлат рўйхатидан ўтказиш тизимини соддалаштириш орқали уни янада такомиллаштириш имконини беради ва халқимиз фаровонлигига хизмат килади.