Mustaqillik – erkin va baxtli yashash demakdir!
29.06.2018, 17:17
Bugun mamlakatimiz milliy taraqqiyotning yangi bosqichiga qadam qo‘ydi. Ayni paytda barcha soha va tarmoqlarda demokratik yangilanish jarayonlari amalga oshirilmoqda. Bularning barchasi, bebaho ne’mat bo‘lgan mustaqillik sharofatidandir.
Haqiqatan ham mamlakatimiz hayotining biror-bir jabhasi yo‘qki, unda mustaqillik shukuhi sezilmasa, jamiyatimizning biror-bir a’zosi yo‘qki, uning hayoti, orzu-umidlarida mustaqillik aks etmagan bo‘lsa. Mustaqillik bugungi tinch, osuda hayotimiz, xalqaro maydondagi nufuz va e’tiborimizning bosh mezoniga aylandi. Bu bizga cheksiz g‘urur va iftixor bag‘ishlaydi.
Tobora yaqinlashib kelayotgan bu yilgi bayramni davlatimiz rahbarining qaroriga ko‘ra “Aziz va yagonamsan, jonajon O‘zbekistonim!” degan g‘oya ostida nishonlash belgilandi.
Ushbu g‘oya asosida ishlab chiqiladigan ma’naviy-ma’rifiy tadbirlar hamda targ‘ibot-tashviqot ishlari dasturi 2017 – 2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi hamda “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” Davlat dasturi bilan uyg‘un holda tayyorlanishi qayd etildi.
Bu bejiz emas albatta. Zero, istiqbolimizni belgilab bergan mazkur Qomusiy hujjatda jamiyatimizning barcha jabhalarida islohotlarni yangi bosqichga ko‘tarishga qaratilgan ulug‘ maqsadlar ilgari surilgan va biz ushbu maqsadni amalga oshirish yo‘lidan sobitqadamlik bilan odimlamoqdamiz.
Ayniqsa, ushbu Strategiyadan kelib chiqib boshlangan amaliy harakatlarni bugun eng chekka qishloq aholisi ham sezmoqda, o‘z hayotidagi o‘zgarishlarda his qilmoqda.
Umuman olganda, mustaqillik bizga bugungidek erkin va baxtli yashash imkonini tuhfa etdi. Ana shunday bir sharoitda Vatanimiz mustaqilligini mustahkamlashga, uni ko‘z qorachig‘idek asrab-avaylashga, yurtimizning yanada taraqqiy etishi hamda xalqimizning bundanda farovon hayot kechirishi yo‘lida bor kuchimiz hamda salohiyatimizni safarbar etishimiz chin insoniylik burchimizdir.
Tohirjon Tolipov,
O‘zLiDeP Andijon viloyat
Kengashi raisi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Донияров Олим -Қашқадарё вилояти Чироқчи туман Кенгаши2018-07-16 17:56:02
Халқимизнинг асрий орзуси бўлган, Ватанимизнинг неча минг йиллик тарихида мутлақо янги саҳифа очган, мамлакатимизни халқаро ҳамжамиятнинг тенг ҳуқуқли аъзосига айлантирган Ўзбекистон мустақиллигининг йигирма етти йиллигини муносиб кутиб олишга хар биримиз ўз ҳиссамизни қўшишимиз зарур.
Даврон Темиров O`zLiDeP Бўка тумани Кенгаши ижрочи котиби2018-07-08 19:16:45
Президентимиз томонидан ишлаб чиқилган ва Харакатлар стратегиси дастури доирасида , мамлакатимизнинг ижтимоий-иқтисодий ривожлантириш йўли, ҳалқимизнинг давлатчилик тарихи, миллий диний қадриятлари ҳамда жаҳон тажрибасини ҳисобга олган ҳолда ишлаб чиқилган мамлакатимизнинг ислоҳ этиш ва модернизация қилиш йўли барча ютуқларимизнинг асоси бўлиб хизмат қилмоқда. Ҳалқимиз юртбошимиз рахбарлигида олиб бораётган оқилона сиёсат туфайли минг йилларга таътигулик улкан бунёдкорлик ишларини амалга ошириб келмоқдалар. Эркин ва фаровон ҳаётимизни, буюк келажагимизни фақат мустақиллик асосида қуришимиз, одамларимиз, эл-юртимизни фақат мустақил сиёсат асосида рози қилишимиз мумкинлигини ҳаётнинг ўзи кўрсатиб турганлиги сабаб ,ҳаммамиз учун бебаҳо неъмат бўлган мустақилликнинг қадр-қиммати ва аҳамияти тобора ортиб бормоқда.
З.Аслонова, Бухоро вилоят Кенгаши Сиёсий таълим маркази раҳбари 2018-07-03 13:10:01
Ватанимизда, вилоятимизда амалга оширилаётган ижобий ўзгаришлар бизнинг юрагимизни фахр ва ифтихор туйғуси билан тўлдиради. Мамлакатимиз мустақиллигининг 27 йиллигини нишонлаш тўғрисидаги Президент қарорининг қабул қилиниши юртимизда амалга оширилаётган ислоҳотларнинг замирида мустақиллик турганини ва бу байрамни ҳар бир ўзбекистон фуқароси муносиб кутиб олишда ўз ҳиссасини қўшиб, ватан тақдирига даҳлдорлигини утнутмаслиги керак.
Мулкижахон Бобоева косон туман келажак депутатлари гурухи азоси2018-07-03 10:58:07
неча йиллар мобайнида қилинган мехнатлар натижасини биз ёшлар кўряпмиз шунча мехнатнинг оқланишига биз ёшлар хам ўз хиссамизни қушишимиз хамда бизга берилган имкониятларни қолаверса мустақиллигимиз бардавомлигини хамиша таминлашимиз керак бу йўлда барча ёшларга зафарлар тилайман, мустақиллигимиз абадий бўлсин.
Миришкор туман савдо МЧЖ қошидаги БПТ раиси Қўлдошова Муқумтош2018-07-02 18:38:03
Бу йилги мустақиллик байрами ҳар йилгидан ўз гача бўлишига шубҳа йўқ чунки “Азиз ва ягонамсан, жонажон Ўзбекистоним!” деган ғоя остида нишонланиши белгиланган байрам юртдошларимизга ўзгача қувонч олиб келишига ишонаман бунда муҳтарам юрт бошимизнинг хизматлари беқиёс
Эгамбердиев Шухратжон Орзикулович- O`zLiDeP Миришкор тумани Кенгаши ижрочи котиби2018-07-02 17:08:33
“Азиз ва ягонамсан, жонажон Ўзбекистоним!” деган ғоя остида мустақиллик байрамини нишонлаши биз партия ҳодимларининг кучига - янгича куч, ғайратига - ғайрат қўшмоқда
Ғафуров Ўктам Ҳалқ депутатлари Қашқадарё вилоят Косон туман Кенгаши депутати 2018-07-02 17:03:22
Бу йилги байрамни давлатимиз раҳбарининг қарорига кўра “Азиз ва ягонамсан, жонажон Ўзбекистоним!” деган ғоя остида нишонлаш белгиланди Ватанимиз мустақиллигини мустаҳкамлашга бор куч ва ғайратимизни ишга соламиз, Мустақиллигимиз абадий ва бардавом бўлишида ўз хиссамизни қўшамиз ва байрамни кўтаринки кайфиятда утказайлик.
Ю.Салимов Косон туман кенгаши ижрочи котиби2018-06-30 14:57:19
Умуман олганда, мустақиллик бизга бугунгидек эркин ва бахтли яшаш имконини туҳфа этди. Ана шундай бир шароитда Ватанимиз мустақиллигини мустаҳкамлашга, уни кўз қорачиғидек асраб-авайлашга, барчамиз бирдек масулмиз.