MDH davlat rahbarlarining norasmiy uchrashuvi

27.12.2017, 16:19

MDH davlat rahbarlarining norasmiy uchrashuvi

O‘zbekiston Respublikasi Prezidenti Shavkat Mirziyoyev 2017-yil 26-dekabr kuni Moskva shahrida bo‘lib o‘tgan Mustaqil Davlatlar Hamdo‘stligi Davlat rahbarlari kengashining norasmiy uchrashuvida ishtirok etdi.

Rossiya Federatsiyasi Prezidentining Novo-Ogaryovo qarorgohida Shavkat Mirziyoyevni Vladimir Putin kutib oldi.

Suratga tushish marosimidan so‘ng MDH davlat rahbarlarining uchrashuvi boshlandi.

Vladimir Putin davlat rahbarlarini tashrifi bilan qutlab, Rossiyaning MDHga raisligi yakunlari haqida to‘xtalib o‘tdi. Joriy yil o‘zaro integratsiyani mustahkamlash va tashkilot nufuzini oshirish bo‘yicha muhim ishlar amalga oshirilganini ta’kidladi.

Prezident Shavkat Mirziyoyev joriy yilda O‘zbekistonning MDH mamlakatlari bilan hamkorligi yanada mustahkamlanib, tovar ayirboshlash hajmi sezilarli oshganini ta’kidladi. O‘zaro manfaatli hamkorlik a’zo davlatlarni uzviy bog‘lab turishi, ushbu uchrashuv aloqalarga yangi sur’at bag‘ishlashini qayd etdi.

2018-yil Rossiyada bo‘ladigan voqealar muhim ahamiyatga ega ekani, Prezident saylovida Rossiya xalqi munosib nomzodga ovoz berajagi ta’kidlandi.

Uchrashuvda Hamdo‘stlik davlatlari o‘rtasida turli sohalardagi hamkorlikni rivojlantirish, xavfsizlikni mustahkamlash, mintaqaga tahdid va xatarlarning oldini olish masalalariga e’tibor qaratildi. 

Ma’lumki, O‘zbekiston MDH doirasidagi hamkorlikda faol ishtirok etib kelmoqda. Prezidentimiz shu yil 10-11-oktabr kunlari Sochi shahrida bo‘lib o‘tgan MDH Davlat rahbarlari kengashi majlisida ishtirok etdi. 3-noyabr kuni poytaxtimizda Hukumat rahbarlari kengashi yig‘ilishi o‘tkazildi.

O‘zbekiston Respublikasi Prezidentining Oliy Majlisga Murojaatnomasida davlatimizning tashqi siyosatidagi ustuvorliklar ham aytib o‘tildi. Mamlakatimiz, jumladan, Mustaqil Davlatlar Hamdo‘stligi bilan aloqalarni yangi bosqichda davom ettirayotgani ta’kidlandi. “O‘zbekistonning tashqi siyosatida Markaziy Osiyo – bosh ustuvor yo‘nalish” tamoyili asosida qo‘shni davlatlar bilan munosabatlar mustahkamlandi. Bu Hamdo‘stlik doirasidagi aloqalar rivojida ham muhim o‘rin tutadi.

Uchrashuvda tomonlarni qiziqtirgan boshqa masalalar yuzasidan ham fikr almashildi.

Manba

O‘zLiDePning Facebookdagi rasmiy sahifasi va Telegramdagi kanaliga a’zo bo‘lib, so‘nggi yangiliklardan xabardor bo‘ling!

  • Ko'rildi
    121
  • Chop etish
  • Do'stlar bilan ulashish
← Ro'yhatga o'tish

Билдирилган фикрлар

Сурхондарё вилояти Кенгаши Депутатлик бирлашмалари билан ишлаш бўлими мудири М.Мамадалиев 2018-04-26 10:19:52

Қишлоқларимиз ва маҳаллаларимизда бўлаётган амалий ишлар ҳалқимизнинг ободлиги ва келажакга ишончини орттиради.


Гурлан тумани "Обод" фермер хўжалиги БПТ 2018-04-24 15:38:31

2018 йил 29 март куни Ўзбекистон Республикаси Президентининг «Обод қишлоқ» дастури тўғрисида»ги ПФ-5386-сон фармони имзолангани бу борадаги ишларнинг изчил амалга оширилиши лозимлигини кўрсатиб бермоқда. Мазкур Фармонга асосан ҳар бир туманда 2 тадан қишлоқ ободонлаштирилиб, кўркам қиёфа касб этмоқда.


Шерзоджон Рахманқулов 2018-04-24 11:16:50

Президентимизнинг 2018 йил 29 мартдаги “Обод қишлоқ” дастури тўғрисида”ги Фармонига кўра, энди энг чекка қишлоқлар ҳам барча инфратузилма яратилган маконлар қиёфасига киради. Ҳар бир киши ўзи яшайдиган уй, маҳалла ва қишлоқни ободонлаштиришда ҳиссасини қўшса, юртимиз янада обод бўлади, обод юртда яшайдиган одамлар кайфияти яхши бўлиши таъминланади, деган қараш устувор аҳамият касб этмоқда.


Тошлоқ Агро банки бпт 2018-04-24 09:25:08

O‘zLiDeP Сиёсий Кенгаши Ижроия қўмитаси раиси вазифасини бажарувчи Б.Якубовнинг муносабатига: Президентимизнинг “Обод қишлоқ” дастури тўғрисида”ги фармони жуда чуқур таҳлилларга асосланганлиги, мавжуд ҳолатнинг очиқ кўрсатилиши ва шу асосда аниқ тадбирларнинг белгиланиши билан ажралиб туради.дастур доирасида илк ишлар бошланган – Жиззахнинг Дўстлик туманидаги “Манас” ҚФЙда ишлар бошланиши биланоқ партия бу ҳаракатга фаол тарзда қўшилди. Шу боис Президентимизнинг фармони қабул қилиниши билан O‘zLiDeP туман Кенгаши ходимлари хамда бптлар, туман Кенгаши депутатлари Қумариқ мфй Қумқишлоқ кўчаси танлаб олинди. Қишлоқни обод қилиш учун ишга киришилди.


Муқаддас Бекназарова 2018-04-23 20:15:46

Модерациядан ўтказилган фикрларни ўқиб чиқдим, узр, сайт ижодкорлари! Меҳнатларинингиз, сайт дизайни таҳсинга лойиқ! Машаққатли ақлий меҳнатларингизда ижодий баркамоллик, куч-қувват, сабр Сизларни ҳечам тарк этмасин!


Муқаддас Бекназарова 2018-04-23 20:08:33

Бир таклифим бор эди: ҳар бир эълон қилинган мақолаларга билдирилаётган фикрлар шу ернинг ўзида модерациядан ўтказилиб, сайтни ўзида шу мақоланинг коментарийсида эълон қилиниб борилса, "қиш уйқуси"дан туриб улгурмаган фикр билдирувчиларгаям туртки бўларди. Ахир, айтишадику, "Ишлаётганингни гапирма, натижани кўрсат" деб. Билдирилган фикрлар модерациядан ўтказилиб, коментарийда эълон қилиниб борилса, нур устига аъло нур бўларди.


Муқаддас Бекназарова 2018-04-23 19:55:15

Абгор, яроқсиз ҳолга келиб қолган уй-жойлар, моддий имконияти чекланган фуқароларни қийнаётган долзарб ижтимоий-иқтисодий муаммоларни ҳал этишнинг аниқ манзилли режалари, манбаларини ўзида акс эттирган “Обод қишлоқ” дастурини эълон қилиш орқали Президентимиз фармони, албатта, ухлаётган фуқароларимизнинг кўзини очди, уйғониб, енгни шимариб, белга белбоғни маҳкам боғлаб қишлоқларимиз ободлиги учун астойдил меҳнат қилмоқдалар, кутилган натижа ўз самарасини кўрсатмоқда. Ўйлайманки, бу дастур ўз давомийлигини сақлаб қолади, ва яна кўплаб қишлоғу маҳаллаларимизга дастуриамал бўлиб хизмат қилади. Яна ҳали уйғонмаган "уйқусеварлар"имизга туртки вазифасини ўтайди деган умиддаман. "Обод қишлоқ" дастури асосида обод бўлаётган кўчалар, қишлоқларни кўриб ҳар қандай одамнинг кўзи қувнайди. Ҳар биримиз бир чеккада томошабин бўлмасдан ўз улушимизни қўшишимиз лозим, албатта.


Аброр Отабоев 2018-04-23 13:13:55

Партиямиз томонидан амалга оширилаётган "Обод қишлоқ" лойиҳаси доирасида кўплаб амалий ишлар қилинмоқда. Ҳар бир худудда Партия ташаббуси билан кўчалар танлаб олиниб, у ердаги кўп йиллар давомида йиғилиб қолган муаммолар ҳал қилинмоқда. Бундан ташқари кўчалардаги уйларнинг ички ва ташқи қиёфаси ўзгариб, фуқароларни томорқаларидан даромад қилишларига кўмаклашилмоқда. Ушбу лойиҳада барчамиз бирдек фаол иштирок этишимиз зарур.


Элчиева Нафисахон Тохировна 2018-04-23 12:32:19

“Обод қишлоқ” лойиҳаси доирасида “O‘zLiDePнинг обод кўчалари” акцияси Фарғона вилояти Кенгаши томонидан хам амалга оширилмоқда. ЎзЛиДеП Фарғона вилояти Кенгаши ташаббуси билан акцияни амалга ошириш учун Тошлоқ туманининг Қумқишлоқ МФЙ, Қумқишлоқ кўчаси танлаб олинди. Қумқишлоқ кўчасида 495 нафар хонадон, 701 нафар оила мавжуд экан. Биз партия фаоллари хонадонларни айланиб, уларни муаммосини ўрганганимизда, ижтимоий химояга мухтож оилаларга амалий ёрдам берганимизда, ёшларни тадбиркорлик кўникмаларни оширишда туркум тадбирлар ташкиллагинимизда, сайёр қабуллар ўтказганимизда одамларнинг бизга ишонч билан қарашларини яна бир хис қилдик. Мактабдаги ёшлар ўртасида ўтказган китобхонлик тадбирларимизда ёшларни эртанги кунга ишонч билан боқишларини кўриб Сиёсий Кенгаш раиси Бахтиёр Якубовнинг нуқтаи-назарларида келтирилган "Бу бутун халқимизни бунёдкорлик ишларига йўналтирган, олижаноб мақсадларни кўзлаган “Обод қишлоқ” дастури тўғрисида”ги муҳтарам Президентимиз фармонига O‘zLiDeP фаолларининг муносиб жавобидир!. ушбу гаплар қанчалар ўз тасдиғини топганига амин бўлдик.


М.Фахриддинов 2018-04-23 09:21:35

O‘zLiDeP Сиёсий Кенгаши Ижроия қўмитаси раиси вазифасини бажарувчи Б.Якубовнинг муносабатида келтирилган фикрлар Президентимизнинг фармони қабул қилиниши билан O‘zLiDeP Сиёсий Кенгаши Ижроия қўмитаси ҳудудий кенгашлар ташаббусини қўллаган ҳолда “Обод қишлоқ” лойиҳаси доирасида “O‘zLiDePнинг обод кўчалари” акциясини эълон қилишга қарор қилди! Лойиҳа доирасида мамлакатимизнинг барча ҳудудларида белгилаб олинганкўчаларни обод этиш партия вилоят кенгашлари ўз зиммасига олди.Албатта Тошлоқ туманида Қумариқ мфй Қумқишлоқ кўчаси танлаб олинди.O‘zLiDeP Вилоят Кенгаши хамда Тошлоқ туман Кенгаши ва Халқ депутатлари туман Кенгашидаги партия депутатлик гуруҳи аъзолари, “Ёшлар қаноти” фаоллари, тадбиркорлар ушбу хайрли ишларда уйма-уй юриб, ҳар бир хонадон эгалари билан дилдан суҳбат қилишди. Мулоқотлар давомида фуқароларнинг ижтимоий аҳволи, яшаш шароитлари ўрганилиб, бўш турган томорқалардан даромад олиш йўллари борасида тушунчалар берилди. Қумқишлоқ кўчасини обод қилиш ишлари давом этмоқда


Исматуллаев Мухриддин 2018-04-20 17:08:33

Ўзбекистон Республикаси Президенти Ш.М. Мирзиёевнинг олижаноб мақсадларни кўзлаган “Обод қишлоқ тўғрисида”ги фармони асосида кўплаб ишлар амалга оширилмоқда. Бу орқали юртимизнинг чекка - чекка қишлоқлари янгича тус олмоқда. Азиз партиядошлар сизларнихам ушбу дастурни амалга оширишда жонбозлик кўрсатишларизни сўраб қоламиз.


Yazdon Toshonov 2018-04-20 13:40:14

Hali qishloqlarimizda qilinadigan ishlar kup ekan Yurtboshmizning dasturlari ayni vaqtida va urnida buldi deb hisoblayman.


Ulug`bek 2018-04-14 11:20:17

Xaqiqatdan ham ushbu dastur rivojlanishdan ancha oqsayotgan chekka qishlaoqlarimiz uchun qayta hayotga qaytish desak adashmaymiz.


Fikringizni qoldiring

+