Erkin XOLMATOV,

O‘zLiDeP Siyosiy Kengashi a’zosi:

Shavkat Mirziyoyev BMT Bosh Assambleyasining 72-sessiyasida Markaziy Osiyo mintaqasida tinchlik va xavfsizlik, barqaror ijtimoiy-iqtisodiy rivojlanishni mustahkamlash bo‘yicha qator konstruktiv g‘oya va tashabbuslarni ilgari surgan edi. Partiyamiz ham Markaziy Osiyoni barcha mamlakatlar xalqlari manfaatlari yo‘lida qo‘llash zarur bo‘lgan ulkan salohiyatga ega mintaqa deb hisoblaydi. Boshlang‘ich partiya tashkilotlarimiz va O‘zLiDeP elektorati faoliyati monitoringi ko‘rsatishicha, so‘nggi bir yarim yilda chegaraoldi hududlarda tadbirkorlik faolligi jadallashgani sezilarli tus oldi, bugungi kunda mamlakatlarimizning o‘n minglab fuqarolari har kuni faoliyat yurita boshlagan o‘tkazish punktlari orqali chegaradan o‘tmoqda. E’tiborlisi, ishbilarmon doiralari o‘rtasida raqobat kuchayishi ichki bozorlarda ayrim tovarlarga narxlar pasayishiga olib kelmoqda, ya’ni bu bilan aholining xarid qobiliyati oshmoqda.

O‘zbekiston so‘nggi bir yarim yil mobaynida Markaziy Osiyo mamlakatlari rahbarlari bilan turkum uchrashuvlar o‘tkazdi, ular doirasida dolzarb muammolarga amaliy yechimlar topildi, bugungi kunda o‘zaro hamkorlikning prinsipial jihatdan mutlaqo yangi shaklini o‘zida mujassam etgan mustahkam poydevor vazifasini bajaruvchi yangi shartnoma va bitimlar imzolandi.

Mamlakatlararo o‘zaro hamkorlikdan ko‘rinib turibdiki, Markaziy Osiyo davlatlari an’anaviy va izchil tarzda mintaqaviy sheriklikni mustahkamlash, iqtisodiyotning turli tarmoqlarida integratsiyani chuqurlashtirish va madaniy-gumanitar aloqalarni rivojlantirishni ilgari surmoqda. Do‘stlik va yaxshi qo‘shnichilik ko‘prigi vazifasini o‘tashi lozim bo‘lgan davlat chegaralarini huquqiy rasmiylashtirish borasidagi eng muhim muammolarni hal etish bu ishlarga xizmat qiladi.

O‘zLiDeP safida biz Markaziy Osiyo davlatlari rahbarlarining maslahatlashuv uchrashuvi bu kabi muntazam tadbirlarni o‘tkazishning boshlanishi sifatida mintaqaviy hamkorlikni rivojlantirish uchun mutlaqo yangi imkoniyatlarni shakllantirishga maydoncha ekanligi borasida qat’iy pozitsiyani qo‘llab-qo‘llatmaymiz. Ayni kunda O‘zbekiston Markaziy Osiyo mamlakatlarini bog‘lovchi eng muhim transport arteriyalarini tikladi va modernizatsiya qildi, yangi yer usti va havo yo‘nalishlarini ochdi. Ushbu yangiliklar yuk tashish, avvalambor, tranzit yuklarni tashish xajmi o‘sishiga ko‘maklashmoqda. Alohida ta’kidlash lozimki, aynan Shavkat Mirziyoyev tashabbusi bilan Markaziy Osiyo davlatlari rahbarlarining konsultativ uchrashuvi bo‘lib o‘tdi.

Umuman olganda, O‘zLiDeP Markaziy Osiyo doirasidagi birgalikdagi sa’y-harakatlar yaqin mintaqaviy hamkorlikni aniq mazmun bilan boyitgan holda o‘zaro ishonch va hurmat muhitini mustahkamlashga qaratilgan degan qat’iy pozitsiyaga ega. Ushbu qadamlar Markaziy Osiyoning barcha mamlakatlari iqtisodiy rivojlanishi manfaatlariga to‘liq javob beradi, umumiy investitsion jozibadorlik o‘sishiga xizmat qiladi.

Elektoratimiz, mintaqadagi barcha mamlakatlar tadbirkorlari, partiya fikricha, O‘zbekiston rahbarining savdo-iqtisodiy, innovatsion, investitsion, transport-kommunikatsiya, bank-moliya, suv-energetika va madaniy-gumanitar sohalardagi hamkorlikning “yo‘l xaritalari”ni ishlab chiqish zarurligi borasidagi tashabbuslari hayotga tadbiq etilishidan manfaatdor.

Mexroj FAYZILOV,

O‘zLiDeP Samarqand viloyati Kengashi raisi:

So‘nggi vaqtlarda Markaziy Osiyo mamlakatlarining do‘stlik, yaxshi qo‘shnichilik va strategik sheriklik aloqalarini mustahkamlash bo‘yicha siyosiy irodasi va o‘zaro intilishi tufayli o‘zaro munosabatlarning barcha yo‘nalishlari borasida haqiqatan ham ulkan o‘zgarish va natijalarga erishildi. O‘tgan yilning noyabr oyida Samarqandda BMT sha’feligida xalqaro konferensiya bo‘lib o‘tgan edi, u Markaziy Osiyoda tinchlik, xavfsizlik va barqaror rivojlanishni ta’minlash bo‘yicha birgalikda sa’y-harakatlarni amalga oshirish borasida amaliy qadam bo‘ldi. Ushbu konferensiya doirasida tizimli muloqot asosida o‘zaro manfaatli hamkorlikni rivojlantirish, o‘zaro manfaatlarni hisobga olish masalalari ko‘rib chiqildi, buni mintaqamizning barcha davlatlari qo‘llab-quvvatladi.

Kuni kecha Ostona shahrida bo‘lib o‘tgan sammit eng muhim tashabbusning amaldagi ifodasi bo‘lib, Markaziy Osiyo xalqlarining do‘stligi, yaxshi qo‘shnichiligi, o‘zaro qo‘llab-quvvatlash va hamkorligi zamonaviy tarixida yangi sahifa bo‘ldi. Aslida Ostonadagi sammitni xalqaro va mintaqaviy kun tartibining eng dolzarb masalalari bo‘yicha yuqori darajadagi fikrlar almashuvi uchun maydoncha sifatida baholash mumkin.

Partiyamiz nuqtai nazariga ko‘ra, Ostonadagi uchrashuv bu mintaqaviy hamkorlik ustuvorliklarining aniq mexanizmlarini ishlab chiqish va hayotga tadbiq etish yo‘lidagi dastlabki qadam. Mintaqaviy savdo-iqtisodiy aloqalarni yanada chuqurlashtirish doirasida Markaziy Osiyo mamlakatlari o‘rtasida amal qilayotgan erkin savdo tartibining to‘laqonli faoliyat yuritishini, chegaraoldi savdo, ishlab chiqarish kooperatsiyasini intensiv rivojlantirishni ta’minlash hamda mamlakatlarimiz hududlari o‘rtasida hamkorlikni kengaytirish borasidagi vazifalar muhim ahamiyat kasb etadi. Bu bilan, Ostonadagi sammitda qayd etilganidek, Markaziy Osiyo mamlakatlari haqiqatan ulkan salohiyatga ega eng yirik mintaqaviy bozorni shakllantirishlari mumkin.

Bu borada Toshkentda birinchi Mintaqaviy iqtisodiy forumni o‘tkazish bo‘yicha tashabbus katta qiziqish uyg‘otmoqda, u Markaziy Osiyo mamlakatlari biznes-hamjamiyatlari va yetakchi chet el investorlari o‘rtasida aniq loyihalarni ilgari surish uchun bevosita muloqotni yo‘lga qo‘yish imkonini beradi.

Jumladan, O‘zbekistonning Qozog‘iston, Qirg‘iziston, Tojikiston va Turkmaniston bilan o‘zaro savdo aylanmasi faqat 2017 yil yakunlari bo‘yicha 20 foizga o‘sib, qariyb 3 milliard dollarga yetdi. Bunda o‘zaro savdo xajmini besh milliard dollargacha yetkazishga manfaatdorlik mavjud. Bundan tashqari, ushbu uchrashuv Markaziy Osiyo mamlakatlarining kuchi umumiy muammolarni birgalikda hal etishga kirishish imkoniyatini yana bir bor ko‘rsatdi. Xususan, Markaziy Osiyo davlatlarining iqtisodiyotning turli tarmoqlaridagi hamkorligini kengaytirish mintaqaviy yalpi ichki mahsulotni yaqin 10 yil mobaynida kamida ikki barobarga o‘sishiga olib kelishi mumkin.  

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!