Сиёсий жараёнларда ёшларнинг фаол иштирокига эътибор қаратиляпти
14.09.2021, 17:18
Халқ депутатлари маҳаллий Кенгаши депутатлари Олимхон Бабаханов ва Ғиёсиддин Бабахановлар ташаббуси билан жойларда ахоли, ёшлар ва хотин-қизлар ўртасида жорий йил 24 октябр куни бўлиб ўтадиган давлатимиз ва халқимиз ҳаётидаги катта сиёсий воқеа – Президент сайлови тўғрисида кенг қамровли тушунтиришлар бериш мақсадида давра суҳбатлари ўтказиб келинмоқда.
Шу каби тадбирларнинг навбатдагиси Ёшлар ишлари Агентлиги Наманган вилояти бошқармаси қошидаги “Волонтёрлар мактаби” аъзолари билан “Ёшларнинг сиёсий фаоллиги – жамият тараққиётининг муҳим омили” мавзусида ташкил этилди.
Тадбирда Президент сайлови илк бор Ўзбекистон Республикасининг Сайлов кодекси асосида демократик давлат, эркин ва мустақил, фаровон жамият қуришдек ғоят муҳим жараёнда миллий сайлов тизимини янада демократлаштириш, фуқароларнинг сайлов ҳуқуқларини янада кенг ва тўла таъминлашга алоҳида эътибор қаратилаётганлиги таъкидланди.
Ёшларнинг сайлов қонунчилиги, сайловда иштирок этиш юзасидан саволларига батафсил жавоб берилди.
Тадбир сўнггида мамлакатимизда амалга оширилаётган ижтимоий-иқтисодий жараёнларда фаол иштирок этаётган бир гурух ёшларга депутатларнинг эсдалик совғалари топширилди.
Ўхшаш янгиликлар
-
Талаба-ёшларнинг партия лойиҳаларига қизиқиши ортмоқда
09.04.2024, 19:17
-
Нукуслик ёшларнинг молиявий саводхонлиги оширилди
31.03.2024, 09:59
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
-
Мактаб битирувчилари ёшлар кичик саноат зонаси фаолияти билан танишди
01.03.2024, 22:10
Фикрингизни қолдиринг