O`zLiDePдан кўрсатилган номзоднинг ишончли вакили Рустам Каланов Янгиҳаёт тумани сайловчилари билан учрашди.

Ишончли вакил номзоднинг сайловолди дастуридаги устувор йўналишларни тушунтириб ўтди. Жумладан, 2026 йил якунигача камбағаллик камида 2 баробар қисқартирилади. Хусусий тиббиётни янада ривожлантириш мақсадида уларга солиқ имтиёзлари бериш давом эттирилади. Тиббий хизматлардаги хусусий секторнинг улуши ҳозирги 12 фоиздан 25 фоизга етказилади. 2024 йил якунига қадар 6 ёшли болалар мактабгача тайёрлов тизими билан тўлиқ қамраб олинади. 700 мингдан зиёд ишсиз хотин-қизлар давлат ҳисобидан касб-ҳунарга ўқитилади.

Ишончли вакил шу ва бошқа соҳалар бўйича қилинадиган ишлар тўғрисида гапириб ўтди ва иштирокчилар томонидан берилган саволларга аниқ жавоблар қайтарди.