Халқ депутатлари Хонқа туман Кенгашидаги O’zLiDeP депутатлик гуруҳининг навбатдаги йиғилиши бўлиб ўтди.

Йиғилишда Хонқа туман тиббиёт бирлашмаси раҳбари Кўпал Тагрибергеновнинг туман тиббиёт бирлашмаси ва унга қарашли даволаш профилактик муассасалар томонидан амалга оширилаётган ишлар бўйича ахбороти эшитилди.

Оилавий шифокорлик пунктлари, оилавий поликлиникалар, улардаги патронаж хизматининг самарадорлигини ошириш натижасида аҳолига кўрсатилаётган бирламчи тиббий-санитария ёрдами ҳолатлари, кадрлар салоҳият тўғрисида маълумот берилди.

Эшитувда депутатлар соҳага доир ўзларини қизиқтирган саволлари, таклифлари ва муаммоларни ўртага ташлашди ва бу бўйича тегишли қарор қабул қилинди.

Муҳаммаджон Эримов,

 O’zLiDeP Хонқа туман Кенгаши

аппарат раҳбари