Мамлакатимизнинг барча ҳудудларида яшил майдонларини кенгайтириш, жойларда экологик вазият ва ҳаво тозалигини яхшилаш борасида “Яшил макон” умуммиллий лойиҳаси доирасида “Долзарб 40 кунлик” тадбирлари қизғин давом этмоқда.

“Яшил макон” умуммиллий лойиҳасида фаол иштирок этиб муносиб ҳисса қўшиш мақсадида Халқ депутатлари Бектемир туман Кенгашидаги O'zLiDeP депутатлик гуруҳи аъзоси Комолиддин Рашидов  ташаббуси билан “Қуюв-механика заводи” ҳудудида 200 турдаги мевали ва манзарали дарахт кўчатлари экилди. Бунда корхона раҳбарияти, бўлим ва цехларида меҳнат қилаётган ишчи-ходимлар фаол иштирок этишди.