Депутат ёшлар билан очиқ мулоқотда бўлди

06.01.2022, 16:37

Депутат ёшлар билан очиқ мулоқотда бўлди

O’zLiDeP Самарқанд вилоят Кенгаши “Ёшлар қаноти” ташаббуси билан Ургут туманидаги бир гуруҳ фаол ёшлар билан “Депутат ва ёшлар” учрашуви бўлиб ўтди.

Қизғин баҳс-мунозаралар остида ўтган ушбу учрашувда Халқ депутатлари Ургут туман Кенгашидаги O’zLiDeP депутатлик гуруҳи раҳбари Б.Бекбоев ўз фаолияти мисолида маълумотлар бериб ўтди.

Тадбирда Халқ депутатлари туман Кенгашидаги O’zLiDeP депутатлик гуруҳи аъзоларига “Ёшлар қаноти” гуруҳи аъзоларини бириктириш ҳамда ёшларнинг муаммоларини депутатлар орқали тизимли ҳал этиб бориш вазифалари белгиланди.

Шунингдек тадбирда “Ёшлар қаноти” гуруҳи аъзоларининг таркибини қайта кўриб чиқиш, фаол ва ташаббускор ёшларни гуруҳ аъзолигига жалб этган ҳолда туманда ёшлар қаноти фаолиятини самарали ташкил этиш вазифалари ҳам белгилаб олинди.    

Қодир Шойимов,

O’zLiDeP Самарқанд вилоят Кенгаши

бўлим мудири

  • Кўрилди
    211
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+