Партия фаоллари чорвачилик соҳасини ривожлантириш борасида олиб борилаётган ишлар ва аҳолини чорвачилик маҳсулотлари билан таъминлашдаги ҳолатлар юзасидан ўрганишлар олиб бормоқда.

 O'zLiDeP Наманган вилоят Кенгаши вакиллари Косонсой туманида чорвачилик соҳасида фаолият юритаётган “IBODILLO GOLD INVES” фермер хўжалиги фаолияти билан танишди.

Ҳозирги кунда мазкур  фермер хўжалигида Голландия давлатидан келтирилган 100 дан ортиқ наслли қорамол боқилиб, аҳолини сут маҳсулотлари билан таъминлаб келмоқда.

Учрашув давомида фермер хўжалиги раҳбари Ибодиллохон Ғозиев иштирокчиларга чорвачилик фермер хўжалиги учун ажратилган ер майдонларидан самарали фойдаланиш, ем-хашак жамғарилиши ва қишлоқ мулкдорининг келгусида қайта ишлаш борасидаги режалари тўғрисида ҳам атрофлича маълумот бериб ўтди.