O`zLiDeP вакиллари бир гуруҳ ёшларнинг тадбиркорлик фаолиятлари билан танишдилар
07.04.2022, 15:09
O`zLiDeP Сирдарё вилоят Кенгаши томонидан "Тадбиркорлик ҳафталиги" доирасида жойларда йирик тадбиркорлик субъектлари ва фермер хўжаликларига саёҳатлар уюштириляпти.
Ширин шаҳрининг Нуробод маҳалласида ҳоким ёрдамчиси ва ёшлар етакчиси партия вакилларига бир гуруҳ ёшларнинг тадбиркорлик фаолиятлари билан таништирди.
Маҳаллада Жаҳонгир Холиқов ташкил этган “Нуробод ворислари” МЧЖ ўзи сингари 35-40 нафар оиланинг ҳам рўзғорини обод қилаяпти. Тадбир иштирокчилари қарийб 1 гектарга яқин майдонда ташкил этилган иссиқхона фаолияти билан танишишди.
Яна бир тадбиркор “Бону Жавоҳир” МЧЖ раҳбари Худоёр Нуралиев ҳам оила аъзолари ва ўзи сингари 30-40 нафар маҳалладошларини иш билан таъминлаган. Иссиқхонада бодринг, помидор ва кўкатлар етиштирилади. Маҳалладан ортгани бозорга, талабгорларга етказилади. Экин майдони 90 сотихни ташкил этган иссиқхонадаги кунда-кунора ҳосили узиб олинаётган бодринг майдони ёшларни қизиқтириб қўйди. Улар ҳам ҳосилни узишга кўмаклашишди.
Тадбиркорлар билан учрашиб, уларнинг ишларини кўриб, эшитган ёшлар орасида бу соҳага қизиққанлари ҳам бор эди. Маҳалланинг ҳоким ёрдамчиси ва ёшлар етакчиси бўлғуси тадбиркорларга кўмак беришга тайёрлигини билдирди.
O`zLiDeP Сирдарё вилояти кенгаши
матбуот хизмати.
Ўхшаш янгиликлар
-
Ёшларнинг бизнесга қизиқиши янада ортмоқда
24.04.2024, 17:07
-
Талаба-ёшларнинг партия лойиҳаларига қизиқиши ортмоқда
09.04.2024, 19:17
-
Нукуслик ёшларнинг молиявий саводхонлиги оширилди
31.03.2024, 09:59
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
Фикрингизни қолдиринг