O'zLiDeP Хива шаҳар кенгаши “Оила маънавият булоғи” шиори остида "Қиёт" маҳалласи биносида тадбир ўтказди. Тадбирда маҳалладаги фаол аёллар иштирок этишди. Унда сўз олган партия етакчиси Оила – маънавиятимиз таянчи эканлигини, у оила аъзоларининг шахсий маънавиятларига асосланиб, миллат маънавий қадриятлари таъсирида юксалиб боришини таъкидлади. Оила маънавий қўрғон бўлибгина қолмай ёш авлод таълим-тарбиясининг илк масканидир.

Тадбирда бугунги кунда нотинч оилалар билан ишлаш тизимида амалга оширилаётган ишлар ҳам муҳокама қилинди. Нотинч оилалар билан ишлаш, улардаги маънавий муҳитни соғломлаштиришда маҳалладаги нуроний онахонларнинг, партия “Аёллар қаноти” фаолларининг роли катталиги эътироф этилди.

Тадбир якунида нотинч, жиноятчиликка мойил оилалар партия фаолларига ва депутатларига бириктирилиб, улар билан қилинадиган ишлар, вазифалар белгилаб олинди.

Мушарраф Рахимова,

O'zLiDeP Хоразм вилоят Кенгаши

бўлим мудири