Депутатлар маҳаллабай ва хонадонбай ишлаш орқали муаммоларни ҳал қиляпти
21.04.2022, 14:42
O'zLiDeP Поп тумани Кенгаши томонидан тумандаги “Ипак йўли” ва “Пахтакор” маҳалла фуқаролар йиғинида “Депутатлар ва тадбиркорлар мулоқоти” форуми доирасида тадбир ўтказилди.
Дастлаб шу маҳаллаларнинг тадбиркорликни ривожлантириш ва камбағалликни қисқартириш масалалари бўйича ҳоким ёрдамчилари Темур Арслонов ва Нигора Нишоновалар маҳалладаги хонадонлар сони, уларда яшовчи аҳоли, шундан кам таъминланган, эҳтиёжманд оилалар, тадбиркорликни бошламоқчи бўлган фуқаролар ҳақида маълумот берди.
Шундан сўнг хонадонма-хонадон юриб, уларнинг эгалари билан суҳбат ўтказилди. Ўрганишлар натижасидаги муаммоли масалаларни ҳал этиш учун ҳудуддаги Тиббиёт коллежи залида мутасадди ташкилотлар билан ҳамкорликда суҳбат ташкил этилди. Мулоқотда оилавий бизнесни бошламоқчи бўлганларга имтиёзли кредитлар ва субсидиялар ажратилиши, шунингдек, паррандачилик, балиқчилик, асаларичилик, чорвачилик билан шуғулланишлари учун яратилаётган имкониятлар ҳақида тушунча берилди, ердан, сувдан унумли фойдаланишлари, чиқинди, ичимлик суви, маҳаллий солиқлар ҳамда кредитдан бўлган қарздорликларни бартараф этишлари зарурлиги таъкидланди.
Шу куннинг ўзида 25 дан ортиқ тадбиркор ва тадбиркорлигини бошлаш истагида бўлган фуқароларнинг мурожаатлари эшитилди ва уларнинг кўтарган муаммоларнинг аксарияти жойида ҳал этилди. Баъзи масалалар юзасидан тегишли мутасадди ташкилотларга депутатлик сўровлари чиқаришга қарор қилинди.
Ўхшаш янгиликлар
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
-
Бошқарма бошлиғининг ҳисоботи эшитилди
25.01.2024, 15:32
-
Зоминлик депутатлар туман электр тармоқлари корхонаси раҳбарининг ҳисоботини эшитдилар
23.01.2024, 15:15
Фикрингизни қолдиринг