Депутат сайловчининг мурожаатини жойига чиқиб ўрганди

06.05.2022, 15:45

Депутат сайловчининг мурожаатини жойига чиқиб ўрганди

Олий Мажлис Қонунчилик палатаси депутатлари ўзи сайланган округ ҳудудларида бўлиб турибди.

Умидахон Закирова халқ ишончини оқлаб, амалий ишлари билан ўз сайловчилари орасида обрў қозонган халқ вакилларидан бири.

Андижоннинг "Бунёдкор" МФЙ да бир гуруҳ аҳоли вакиллари билан учрашиб, маҳаллада олиб борилаётган ишлар, фуқаролар томонидан кўтарилган муаммоларни ўрганди.

Мазкур маҳалла ҳудудида жойлашган кўп қаватли уйларда яшовчи аҳоли вакиллари томонидан халқ вакилига мурожаат йўлланган. Депутат мурожаат юзасидан хонадонларга бориб, фуқаролар билан бирма-бир суҳбатлашди. Суҳбатлар чоғида мурожаатда келтирилган табиий газ етишмаслиги аниқланди.

- Бу муаммо борасида бормаган жойим қолмади, - дейди маҳалла фаоли Равшан Мамажонов. Депутатимизга йўллаган мурожаатимиз эътибордан четда қолмаганига хурсанд бўлдик. Депутатимизга катта раҳмат. Дарҳол масъуллар билан боғланди.

Дарҳақиқат, халқ вакили масалага ойдинлик киритиш мақсадида, Андижон ҳудудгаз таъминоти бош муҳандиси Абдумалик Мамадалиев билан боғланди. Минг афсуски, ижобий жавоб ололмагач, депутат томонидан тегишли ташкилотларга сўров юбориш белгиланди.

  • Кўрилди
    428
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+