Энг яхши тадбиркор-ҳунармандлар танлаб олинди
07.05.2022, 16:34
O‘zLiDeP Сурхондарё вилояти Кенгаши “Аёллар қаноти” ва O’zLiDeP Бойсун тумани Кенгаши раисининг биринчи ўринбосари - аппарат раҳбари Хусан Ҳолиқов бошичилигида ҳамда ҳамкор ташкилотлар билан Сурхондарёда "Ишбилармон аёл" кўрик-танловига старт берилди.
Танловнинг Бойсунда ўтказилган туман босқичида асосан ҳунармандчилик билан шуғулланиб, тадбиркорлик қилаётган хотин-қизлар иштирок этишди. Улар ўзларининг кашта, сўзаналари ҳамда гилам ва жанда матосидан тикилган замонавий либослари билан ўз маҳсулотларини ҳакамлар ҳайъатига намойиш қилишди.
Бир-биридан бежирим, миллий анъаналаримизни кўз-кўз қилувчи кашталар, қўли гул ҳунарманд аёлларимиз томонидан тикилган маҳсулотлар кўзни қувнатади. Улар нафақат юртимизда, балки халқаро кўзргазмаларни забт этиб, хорижликларнинг ҳам эътиборини аллақачон тортиб улгургани рост.
Танловда иштирокчилар орасидан энг муносиблари танлаб олинди. Ҳакамлар ҳайъатининг хулосаларига кўра, 1-ўринни кўп йиллик тадбиркор Ҳадича Рахимбердиева, 2-ўринни Малика Подшоева, 3-ўринни эса Шоҳиста Иззатуллаевалар эгаллашди.
O'zLiDeP Сурхондарё вилояти
Кенгаши матбуот хизмати
Ўхшаш янгиликлар
-
Давлат дастуридан келиб чиқадиган партия ва фракция олдидаги вазифалар муҳокама қилинди
26.02.2024, 17:32
-
Депутат мактаб кутубхонасига 100 дан ортиқ бадиий асарлар ва адабиётлар туҳфа қилди
14.02.2024, 17:23
-
Муҳим ва устувор вазифалар белгилаб олинди
31.01.2024, 17:49
-
“Аёллар дафтари” билан манзилли ишлашнинг шаффоф механизми яратилади
30.01.2024, 12:28
-
Депутат жарқўрғонлик тадбиркорлар муаммосини ўрганди
30.01.2024, 10:11
Фикрингизни қолдиринг