“Янги авлод кадрлари” лойиҳаси доирасида 15 нафар талаба ёшлар партия сафига қабул қилинди

13.05.2022, 16:46

“Янги авлод кадрлари” лойиҳаси доирасида 15 нафар талаба ёшлар партия сафига қабул қилинди

O‘zLiDeP Наманган вилоят Кенгаши томонидан “Янги авлод кадрлари” лойиҳаси доирасида вилоятдаги олий таълим муассасалари билан узвий ҳамкорликни йўлга қўйишга алоҳида эътибор қаратилмоқда.

Мазкур лойиҳа доирасида Наманган муҳандислик-қурилиш институтида бўлиб ўтган очиқ мулоқотда талабаларнинг ҳам мамлакатимиздаги етакчи сиёсий куч ҳисобланмиш Ўзбекистон Либерал-демократик партияси фаолиятига катта қизиқиш билан қарашлари яққол кўзга ташланди.

Тадбирда партия Дастури, унда ёшларга берилган имкониятлар, хусусан, “Янги авлод кадрлари” лойиҳасининг мазмун-моҳияти ҳақида тушунча берилди.

Айниқса, партия тавсияси билан давлат бошқаруви идораларида ишлаётган ташаббускор ёшлар, тадбиркорлар, депутатлар фаолияти ҳақидаги маълумотлар талабаларда катта қизиқиш уйғотди.

Мулоқотда фаол иштирок этган 78 нафар талабаларнинг 3 нафари партиянинг амалдаги ва истиқболли кадрлар захирасига киритилган бўлса, 15 нафар талаба ёшлар партия сафига қабул қилинди.

Элдорбек Жўраев

O‘zLiDeP Наманган вилоят Кенгаши

бўлими мудири

  • Кўрилди
    255
  • Чоп этиш
  • Дўстлар билан улашиш
← Орқага қайтиш

Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+