Халқ депутатлари Жарқўрғон туман кенгашидаги O`zLDeP  депутатлик гуруҳи томонидан “Ижтимоий, тижорат ва маъмурий-маиший бино ва иншоотларнинг энергия самарадорлигини ошириш” мавзусида тадбир ташкил этилди.

Тадбирда "Тараққиёт стратегияси" нинг 24-мақсадида кўзда тутилган устувор вазифалар бўйича туманда олиб борилаётган ишлар юзасидан Электр тармоқлар корхонаси бошлиғи ўринбосари К.Хушматов ҳисобот берди.

Хусусан, туманда қурилаётган "Янги Ўзбекистон" массивида, қурилиб битказилган 5 та кўпқаватли уйларнинг тўлиқ электр энергияси билан таъминланганлиги, хўжалик юритувчи субъектларнинг тежамкор лампалардан фойдаланишлари ва уларнинг афзалликлари тушунтирилган хатлар чиқарилганлиги, 110 квА ли катта хажмли генераторлардан воз кечиб, кичик хажмли ва самарадор генераторлардан фойдаланиш қулайлиги тушунтирилаётганлиги ойдинлашди.

Депутатларнинг соҳага оид саволлари ва жойлардаги муаммолар ечимини топиш юзасидан К.Хушматов ўз фиклари ва режалари билан ўртоқлашди.