O’zLiDeP Самарқанд вилоят Кенгаши ташаббуси билан Жомбой туманидаги маҳаллалар ҳоким ёрдамчилари иштирокида давра суҳбати ташкил этилди.

Жойларда тадбиркорликни ривожлантириш, аҳоли бандлигини таъминлаш, тадбиркорлар манфаатини ҳимоя қилиш O’zLiDePнинг бирламчи вазифаларидан эканлиги таъкидланди. Бу борада маҳаллалардаги ҳоким ёрдамчиларининг ҳамда партиянинг мақсади муштарак эканлиги эътироф этилиб, жойларда аҳолини тадбиркорликка жалб этиш орқали даромадини ошириш ҳамда бандлигини таъминлаш борасида ҳамкорликни йўлга қўйиш, маҳаллалрдаги ижтимоий муаммоларни биргаликда ҳал этиш каби масалалар муҳокама қилинди.

Жомбой туманида 38 та маҳаллаларнинг барчасида ҳоким ёрдамчилари фаолият юритиб келмоқда. Тадбир доирасида туман маҳаллаларидаги барча ҳоким ёрдамчилари O’zLiDeP аъзолигига қабул қилиниб, уларга партиянинг аъзолик гувоҳномалари топширилди.