Бугунги кунда ўз меҳнати билан жамият тараққиётига ҳисса қўшаётган ҳар бир аёлнинг қадри баланд. Чунки, тадбиркор бўламан, ўз ишимни бошлайман деган ҳар бир юртдошимиз учун бугун кўплаб имтиёз ва имкнониятлар яратилган. Бу танлов эса улар орасидан энг муносибини, энг ишбилармонини аниқлайди.

O'zLiDeP “Аёллар қаноти” ташаббуси билан ташкил этилиб келинаётган “Ишбилармон аёл” кўрик-танловининг бу йилги босқичида вилоятнинг барча туман, шаҳарларидан энг фаол, ўз ишининг усталари бўлган ишбилармон аёллар беллашишади.

Бугунги танловнинг Нуробод туман босқичида ҳам туманнинг энг чекка қишлоқларидан бири “Олға” обод қишлоғида ташкил этилиб, танловда иштирокчилар фаолияти ҳақида ҳикоя қилувчи тақдимот ва кўргазмалар ташкил этилди.

Иштирокчилардан бири қандолатпазлик билан шуғулланса, кимдир тикувчи-ҳунарманд, бошқа бири эса фермерликнинг минг бир сабоғидан хабардор тадбиркорлар.

-Ўзим 2-гуруҳ ногирони бўлишимга қарамасдан бекор ўтирмайман. “Қўлдан берганга қўш тўймас”, деган нақл бор. 3 нафар фарзандимни ёлғиз тарбия қиламан. Турмуш ўртоғим вафотидан кейин анча қийналиб қолдик. Лекин “Аёллар дафтари”га киритилиб, миллий ҳунармандчилик йуналишида ўз фаолиятимни бошладим. 30 нафардан ортиқ иш ўрни яратганман. Шогирдларим ҳам талайгина. Улар билан бирга олача, гилам тўқиймиз, дўппи, турли сумкалар, миллий кийимлар тикиб ички бозорга етказиб берамиз, - дейди кўрик-танловнинг биринчи ўрин ғолиби Сайёра Бўранова.

Натижаларга кўра, биринчи ўринга Сайёра Бўранова муносиб кўрилди ва танловнинг вилоят босқичида иштирок этиш учун йўлланмани қўлга киритган бўлса, иккинчи ўрин ҳунармандчилик йуналиши бўйича Холлиева Маржонага, учинчи ўрин тикувчилик йуналиши бўйича Элмонова Моҳичеҳрага насиб этди.

- Бу йил ҳам кўрик-танловнинг туман босқичида энг фаол ишбилармон хотин-қизларимиз иштирок этишди. Вилоят босқичига чиққанлар орасидан ҳам 3 та ўрин ва бешта номинация бўйича ғолиблар аниқланиб, диплом ва эсдалик совғалари билан тақдирланишди, - дейди O'zLiDeP Нуробод туман Кенгаши раисининг биринчи ўринбосари-аппарат раҳбари М.Усанова.

O'zLiDeP Самарқанд вилоят Кенгаши

бўлим мудири