Соғлом турмуш тарзига риоя қилишда бугун ЎзЛиДеП депутатлари ҳам фаоллик кўрсатишмоқда. Мисол учун айнан спорт ўйинлари бўйича партиянинг Термиз шаҳар ҳамда Шўрчи тумани Кенгаши депутатларининг эришган ютуқлари сўзимизни исботлайди.

Ҳозирда республикамиз бўйлаб ўтказилаётган "Парламент ўйинлари" да спортнинг  мини футбол тури бўйича O’zLiDeP Термиз шаҳар Кенгаши депутатлари Бахтиёр Абраев, Кравченя Геннадий, Бурхон Раҳматуллаев, Тохир Абзаировлар вилоят босқичидаги мусобақада фаол иштирок этишди. Чаққон спортчилар биринчи ўринни эгаллашиб, республика босқичига йўлланмани қўлга киритишди.

Қолаверса, O’zLiDeP Шўрчи тумани Кенгаши депутати Фотима Усмонова ҳам спортнинг  бадминтон йўналиши бўйича вилоят босқичида ўз жамоаси билан фаол қатнашди. Улар ҳам бошқа ҳудуддан келган рақибларига бўш келмай, биринчиликни қўлга киритишди. Энди республикада вилоят шарафини ҳимоя қилиш учун майдонга тушишади.

O’zLiDeP Сурхондарё  вилояти Кенгаши жамоаси спортчи депутатларга мусобақанинг республика босқичида юқори натижани қўлга киритишлари учун омад тилайди

O’zLiDeP Сурхондарё вилояти Кенгаши

матбуот хизмати