Мамлакатимизда амалга оширилаётган ижтимоий-иқтисодий ислоҳотлар, сиёсий жараёнлар туб мазмун-моҳиятини кенг тарғибот-ташвиқот қилишда, юртимиз иқтисодиёти, кичик бизнес ва хусусий секторнинг ривожланишида фаол иштирок этаётган шижоатли, ташаббускор хотин-қизларни ҳар томонлама қўллаб-қувватлаш, уларнинг ватанимиз келажаги йўлидаги интилиши, изланишларидаги фаол иштирокини рағбатлантириш туфайли бугуннинг замонавий тадбиркор аёл қиёфасини яратиш, аёллар ўртасида тадбиркорлик ва фермерликни ривожлантириш, рағбатлантириш, қўшимча иш ўринлари яратиш ҳамда аёлларнинг жамиятдаги фаоллигини янада оширишда ҳар йили анъанавий тарзда  ўтказиб келинаётган  “Ишбилармон аёл” кўрик-танловининг ўрни катта. 

Тобора оммалашиб бораётган кўрик-танловининг Бахмал туман босқичида ҳунарманд, тикувчи, тўқувчи, гиламчи, наққошлар ҳамда тадбиркор хотин-қизлар  иштирок этишди.

Ҳакамлар ҳайъати хулосаларига кўра, 50 нафар хотин-қизлар бандлигини таъминлаган “Чеварлик сири” МЧЖ раҳбари Муҳайё Баратова мутлоқ ғолиб бўлди, 20 нафар иш ўрни яратган “Зебо текстиль” МЧЖ раҳбари Қаршигул Жуманқулова иккинчи, каштачилик ҳамда гиламчилик йўналиши бўйича оилавий тадбиркор Лола Эгамбердиева учинчи ўринга муносиб, деб топилди. Шунингдек, турли хил номинациялар бўйича ҳам ғолиблар аниқланди.

 Тадбир сўнгида иштирокчилар  партия туман Кенгашиниг диплом ва эсталик совғалари  билан тақдирланди.